讓小朋友習慣不同食物的味道
-作者: EQMAMA
點先食得好？由女女細個開始加固我就好著重佢既飲食，希望佢咩都食啲。女女特別鍾意食瓜類，但係我都唔會因為咁而日日煮瓜比佢，會比佢習慣食唔同味道既野。
我好鍾意整三文魚比女女食，因為佢含有豐富既omega-3，應該好多家長都知係對腦部發展有幫助啦。呢餐仲煮左煎蛋，可能好多家長會覺得蛋黃唔係咁健康，只會比小朋友食蛋白，但係其實蛋黃有豐富既維他命D，可以幫助人體吸收鈣質，大家可以留意下，平時買既鈣片，好多都會添加維他命D架，而單靠曬太陽係未必吸收得夠維他命D去令身體吸收鈣質，所以蛋黃唔怕食架。而炒牛肉亦可以提供鐵質比小朋友，加上蔬菜、粟米有足夠既纖維，咁樣就食得健康又唔怕去唔到便便啦。
溫馨提示：以上資料係由媽咪提供作一般性參考，並非專業嘅營養方案意見。如果有任何疑問嘅話，可以先問問你嘅醫生或專業醫護人員吖！
