想BB食得好，第一步係先陪大人進食
-作者: 郭師奶
想BB食得好，第一步係先陪大人進食，正所謂耳濡目染，睇得多自然想跟住做，會對食物感興趣同想嘗試放入口。
到BB想食，當然要比佢自己試吓親自將食物拎起再放入口啦，咁做可以訓練到BB手眼協調同小肌肉發展，仲可以早啲培養BB自己進食嘅好習慣，唔駛次次都要人餵，但當然就要家長陪同同指引啦~
細女好鍾意食水果，所以每餐之間會比水果佢自己拎黎食，尤其係帶紅色同深色嘅水果，例如士多啤梨、藍莓同車厘子，佢每次見到都會雙眼放光。車厘子去核再切成小粒，細女食得津津有味！
溫馨提示：以上資料係由媽咪提供作一般性參考，並非專業嘅營養方案意見。如果有任何疑問嘅話，可以先問問你嘅醫生或專業醫護人員吖！
