【英國消息】許多爸爸會不時在家說出「爆笑」、「串咀」和「癲癲地」的說話, 有人把它們結集成榜, 結果幾乎大家都可以在榜中找到自己爸爸常說的話。 令人會心微笑的是, 佔頭兩位的金句都跟錢有關, 完全反映了爸爸在家中的「重要性」!
調查由影視界大阿哥「二十世紀霍士家庭娛樂」發起, 找來了二千人選出全國「老豆金句榜」, 結果有二十句金句入榜。調查更發現, 過半數的英國人相信, 爸爸平均會有八句經常掛在口邊的說話。
「老豆金句」
- 你以為老豆印銀紙架?
- 錢唔係樹上生出黎!
- 牛皮燈籠, 點極都唔明。
- 我好似你咁大時…
- 我無訓覺, 只係閉目養神。
- 我唔會講第二次。
- 你鄉下出黎架?
- 唔準駁媽咪咀!
- 人地叫你去死你會唔會聽?
- 而家D嘢手工真係唔及以前。
- 唔準喊!我真係打你架!
- 唔好話俾阿媽知。
- 唔亂嘥嘢就唔洗買嘢
- 唔準著呢件衫出街
- 有飯你食已經好好喇!
- 唔好買嘢俾我喇。
- 做嘢唔好怕蝕抵!
- 你大個咗就會知道架喇。
- 我食鹽多過你食米
- 乖乖地訓覺。
調查發現, 有43%人承認會不自覺說出當年爸爸經常掛在口邊的說話, 應驗了阿爸阿媽的金句之王「你大個咗就會知道架喇。」另外有54%相信自己將會或已經跟孩子重覆兒時常聽的「老豆金句」。
無論「老豆金句」含「金」量有多高, 73%的人都很感激爸爸當年的教誨。
