今日行上海街時終於俾我買到個波波粒冰格,所以就同小小豬一齊我想整好耐嘅櫻花水信玄餅嚟做我地嘅飯後甜品啦。
其實個做法同我之前整嘅櫻花果凍都係差唔多,不過就加左砂糖同熟豆粉,所以食落就更加好味。
櫻花漬八朵、300cc熱水、60G寒天粉、糖15G(可以因應個人口味加減)、熟豆粉適量
先將鹽漬櫻花開水浸泡,替換清水浸泡幾次去鹽。我大約都大半個鐘,中途換左三次水
用磅量好寒天粉及砂糖份量先
然後將熱水倒入煲內
然後加入寒天粉及沙糖
攪勻一陣
然後以小火拌至煮沸
靜置3分鐘之後,就可以倒入模具內
然後放入櫻花,每一格一粒啦
之後蓋上蓋,就將剩餘的一半墳滿。由於個小孔唔算太大,所以我就教小小豬用支針筒慢慢吱入去啦
放入雪櫃雪大約兩小時
甩模就大致完成啦
今次真係可以食得啦
今次加埋砂糖同熟豆粉,又真係甜啲又好味啲,而且入口又幾彈彈好有口感,都唔錯呀!
雖然天氣凍凍地,開住個暖爐食依個靚靚甜品又真係另一番滋味。最重要係小小豬都仍然KEEP住鐘意同我一齊整嘢食,仲講定過兩日整咩添喇!