對於新手媽媽帶著小B去旅行,一定會出現各種不同嘅問題,但去得旅行就梗係想好好Relax一下,之但係,帶著小B又可以點relax呢?其實你問我既,我會話:去日本同台灣可以考慮浸下溫泉喎!
當時,每當我講完「浸溫泉」呢三個字嘅時候,
其他媽媽都會有以下疑問:
「小B咁細乜可以浸溫泉架咩?」
「小B咁細會唔會浸完唔好架?會唔會熱得滯傷到小B架?」
「小B浸溫泉浸得幾耐架?」
「其實係咪小B唔浸得溫泉架?」
仲有諸如此類各式各樣問題。。。
總之你諗到嘅都會有
不如就一齊了解下「小B泡溫泉」嘅小知識啦!
咁就唔駛估估下啦嘛!
到時去浸仲可以帶埋小B一齊去添!
小B可唔可以浸溫泉?
其實目前日本、台灣等地浸溫泉都無歲數限制,
但如果係帶小B去嘅話,當然小B最好係同爸爸媽媽一齊浸啦!
一來係安全問題,二來又可以增加親子時間嘛!
溫泉都有分種類?
溫泉的確係有分好幾類嘅,因為溫泉都有酸性及鹼性之分。
溫泉嘅種類分別有:
-碳酸泉
-碳酸氫鈉泉
-鹽泉
-單純泉
-硫磺泉
一般而言,硫磺泉屬於比較刺激嘅一類,所以並唔建議帶小B去浸。
想要安心又放心就緊係揀一啲溫和啲溫泉同小B一齊浸啦!
泡溫泉小知識
1.)注意溫度及浸泡時間
- 對小B而言最舒適嘅溫度大約係攝氏三十八度左右,
而因為小B身體嬌小,再加上血液循環快,
所以爸爸媽媽要切記唔好俾小B泡係溫泉水中太耐。
可以先讓小B泡五分鐘,再休息,再泡十分鐘,再休息,
以交替方式俾小B慢慢去適應發調節。
2.)多留意小B嘅反應
- 爸爸媽媽要多加留意小B浸泡溫泉時或浸泡之後嘅反應,
以防小B會產生不適。
特別係以「冷熱水交替浸泡」嘅方法,
因為一冷一熱會好容易令小B唔適應而產生不適反應。
另外,爸爸媽媽亦需要留意小B嘅皮膚。
一般泡浸溫泉而言,小B同大人一樣都會出現皮膚紅紅地嘅反應,
其實都屬正常嘅。
如果怕泉水會對小B皮膚造成刺激的話,可以為小B輕輕以清水沖身就可以,
又或者怕太乾燥嘅可以搽潤膚液都可以。
浸泡溫泉需注意嘅安全知識
- 要小心留意池底或浴池底,以防有跣腳嘅可能
- 爸爸媽媽可以安排小B一同坐在池邊或浴池邊一起泡浸
- 就日本而言,會有一些溫泉含有小童及幼童池,或提供不同嘅設備等,
可以預先與溫泉旅館作出溝通,以便安排。
- 空肚或剛食飽都不適宜浸泡溫泉,應該先稍作休息。
而泡浴之前可以先為小B以溫水沖身,以作適應。
- 小B浸泡溫泉時最好水位不要高於小B嘅胸口,以免有機會發生意外。
- 如小B皮膚出現問題,如發炎等就不適宜泡溫泉,以免造成更嚴重的皮膚問題。
- 浸泡溫泉後可以清水沖身,要注意清潔皮膚及指間嘅摺位。
- 浸泡溫泉後唔好俾小B太大力抓皮膚,以免誤傷,如果皮膚乾燥就應該幫小B搽潤膚液
其實浸泡溫泉係一件樂事,適合一家大小,
只要浸泡得宜嘅,都不嘗係一個Relax嘅好方法。
如果小B訓左嘅話,就更加Perfect!哈哈!
爸爸媽媽就可以嘆住慢慢浸!