親子廚房：光波炒栗子

之前小豬媽喺街市幫我買到整粒嘅栗子，所以今日就同小小豬嚟個親子為食時光，一齊整光波炒栗子啦！

 

栗子粒粒又大又靚，唔知點解依家咁難買全殼栗子，或者就係因為怕麻煩，知道全殼栗子係比較少人買，所以方便我地就整啲半殼出嚟啦~

 

喺我同栗子影相時，小小豬又有樣學樣，拎佢個自家相機學我影栗子呀~

 

第一個步驟就係要先將栗子浸水半小時，一個咁簡單嘅工作，當然請小小豬幫手啦~

 

之後用刀切一刀，用嚟放一放氣，以防止入爐時栗子會大爆開~

 

放在光波爐有孔煎盤上，180度光15分鐘~

 

用一湯匙蜜糖加少少水備用~

 

之後就塗上少許糖水，又係小小豬出手之時，睇佢塗得幾認真~

 

最後要再焗多十分鐘，好味嘅炒栗子就完成啦~新鮮出爐當要係好熱啦，不過依個為食小小豬真係心急到唔等得，最後用叉仔拮住都要食呀~

 

睇小小豬食到流晒口水就知真係幾好食啦~

 

但其實又真係好好食，個味道同街邊炒栗子店嘅基本上都係一樣，仲好嘅就係剛剛焗完新鮮熱辣，個栗子味仲香，所以都幾推介俾有光波爐嘅朋友，一定要試吓呀！