Trouble Two的Timtam仔最近的確令人好勞氣！完全是挑戰緊我的耐性！好似去街想佢著左對襪先，佢就偏偏著左鞋就唔肯著襪，我知道越迫佢越唔肯著，咁小事冇需要打駡，我就會用說話引佢去著襪，唔係次次都成功，有時可以兩母子笑住去著襪，有時耐性盡失半推半就喊住著，前題是否趕時間、那天有沒有心情跟佢磨時間！
Trouble two 其一特徵就是開始有自己主見，唔再完全聽哂大人指令去做事，有時我覺得其實這也是學習的過程，也是小朋友用佢地的方法去認識事物，我覺得冇即時危險性，其實都樂於讓他們自由去探索！
可惜長輩很多時會缺乏耐性，而且已經有既定的規範要咁做、要咁玩，唔跟從就係「百厭」、「唔聽教」！會認為小朋友在探索的時候，其實是在「攪事」、「破壞」、「左住做野」！
Timtam仔有架可坐上去的玩具車，初初只讓Timtam仔係屋企玩，但佢會鐘意反轉架車，用手轉動車輪去玩，我覺得這也是比佢學習的機會，去到街上當見到真的車，佢會指住大車輪叫我睇，又會蹲下來觀望一下！我會把握時機，從中會簡單講解一下佢知車輪的作用！
但係當遇到長輩見到佢反轉架車，長輩們就會急不及待話佢知：車唔係咁玩！坐上去玩架！唔好玩車輪好污糟呀！哎呀話極你都唔聽！要買條藤條打你喇！
又好似最近Timtam仔好鐘意「幫手」做家務，每次拖地吸塵佢都好想「幫手」，係我眼中其實是一件好事，當然佢咁細個有時只會「幫倒忙」，但讓他從少幫手做家務，讓他知道家裡的整潔是要自己打掃乾淨，為什麼要扼殺小朋友學習機會？
長輩們見到，又會話：大人做事，小朋友行埋一邊！唔好左住哂！哎呀個吸塵機好污糟，唔好掂呀！再玩要搵條藤條打你喇！
前陣子去公園玩，地上佈滿一粒粒從地樹上掉下的小果實，爸爸同Timtam仔玩鬥快執小果實比媽媽，玩到跑來跑去好開心！我從中話比佢知小果實係樹上跌落黎，會開花結果！
有天跟長輩去同一公園，Timtam仔一見到小果實即刻執起比我，又再周圍去執，馬上比長輩鬧：哎呀做咩執「垃圾」呀！好污糟架！唔好執呀！再執返屋企唔準玩喇！
有時候我都會很無奈，點解唔可以玩完再清潔？點解一定要跟正常的方法去玩？點解小朋友一唔聽話就要用藤條打？
今日我媽去左旅行，我帶Timtam仔去娘家玩，家裡有五把縮骨摭，比Timtam仔發現左，佢拎哂出黎逐把研究點去打開，我見到冇阻止佢，但我一直在旁指導佢點去打開，然後我問做咩要開摭呀？佢話「雨雨」、「摭摭」，然後笑住舉高把摭比我睇，笑得好開心、好滿足！
Trouble Two的小孩子，對世界充滿好奇心，我不是放養小孩，只是把規範拉闊一點，比多點空間他們去探索，耐性再多一點去教導，他們學到的、感受到的一定會更多！
Facebook: Timtam仔的成長日誌
合作聯繫：[email protected]
駐站Blogger :
#Esdlife 靚太club #媽咪幫 Yahoo親子 #BK Milk #PressLogic 親子日常# ubaby Magazine #Beauty Exchange #ublog #hk01
