㷫熻熻又涼浸浸~PPC神纖油 + 冷暖纖腿王

記得自己做女個時，試過一排少女們好興用消脂沖涼液，沖完個身會熱熱哋，但就唔多見效，估唔到而家做咗人媽媽，會有機會用類似嘅產品。

今期BK BOX，一打開個箱，嘩~ 有PPC神纖油 + 冷暖纖腿王貨裝試用！之前一直心思思想減我嘅拜拜肉、肚腩同大脾，不過日日返工兼湊仔，唔係可以日日都做運動，今次正好平日可以用PPC神纖油 + 冷暖纖腿王消脂去水腫，放假就做運動，一於雙管齊下！

PPC神纖油無色無味，沖完涼趁個身仲有少少濕氣同個人暖暖哋，唧一泵喺脂肪重災區打圈按摩一陣直至吸收。初時我以為係唔係自己皮厚脂肪多，好似唔覺有咩感覺，於是除咗按肚之外，仲有按埋大脾、PAT PAT位同拜拜肉，點知等咗大概5、6分鐘後就開始有感覺喇，按摩過嘅部份有種熱辣辣同㷫熻熻感覺，仲勁過焗桑拿，連對手都熱埋，估唔到咁堅！好在跟足使用方法，對手冇觸及面同其他部位，唔係一定會不得了！

呢種㷫熻熻嘅感覺持續咗至少40分鐘以上，估唔到咁持久！！

等㷫熻熻嘅感覺散咗之後，再用埋PPC冷暖纖腿王，PPC冷暖纖腿王好水潤，非常清香，用法係由下推上去，除咗有少少涼快觸感外，同時亦有嗅覺嘅享受。雖然我感覺唔到同時有冷熱感覺，只係有啲涼浸浸，不過成個過程係好舒服，瞓覺都覺得瞓得好啲。

由於PPC神纖油真係好勁，我隔日用，用咗個零星期左右，另外加上放假同小朋友去公園走動半日，見到大脾同肚腩嘅橙皮紋係冇咁明顯，拜拜肉係firm咗，估唔到咁work！相信冬天時用仲正呀~