抗敏牙膏新體驗 (elmex® 抗敏+健齦牙膏)

以前試過其他類似牙膏，用完唔覺有乜分別，今次諗住都會同普通牙膏一樣，完全估佢唔到！

一般牙膏都好起泡，青豆咁大粒就已經刷到成口泡，elmex 呢支牙膏係完全冇泡，刷起上嚟仲有少少漿住漿住嘅感覺，刷完牙後，覺得棚牙有種好似有層嘢包住咗咁，好滑。

另外，我試埋直接唧出牙膏用手按摩牙同牙肉之間嘅位，感覺有啲似搽玻璃膠XD ，不過唔難受嘅，係覺得有啲得意，漱口就好易清走。

到真正埋身試吓有冇用喇~ 我近年牙齒都冇以前咁健康，已經轉飲暖嘢，怕食凍嘢，因為好易牙齒酸痛，試完刷牙加直接用牙膏按摩牙齦，再含啖冰水，的確冇個種刺痛酸痺嘅感覺，含多幾秒開始凍入牙，但都冇仍然酸痺感。

我會再KEEP住用，睇吓刷完牙再隔多幾個鐘後仲係唔係咁有效先，so far 暫時我覺得即時性效果好顯著！