讓小朋友有足夠放電的機會
-作者: EQMAMA
小朋友點樣瞓得好？
小朋友每日最最最少要有1個鐘玩，呢個係佢地既權利。而且，唔比佢玩就即係無放過電，無放過電即係大家都唔駛瞓。
玩，去跑去跳絕對可以釋放大量能源，平日返學女女有足夠既郁動，放學返到屋企可以玩靜態啲既野都足夠。但係放假就一定要帶佢去玩放下電，我多數會睇下商場有無咩活動玩，咁玩完食野會比較方便，同埋返屋企都快手啲。
係屋企玩下煮飯仔其實都好攰，女女會走黎走去煮呢樣個樣，所以都好夠運動量。
另外，我地會選擇係瞓覺前沖涼，感覺上乾乾淨淨上床瞓會比較舒服，而且沖個暖水涼女女會比較瞓得冧豬啲。
希望大家既小朋友都食得好，瞓得好啦。
溫馨提示：以上資料係由媽咪提供作一般性參考，並非專業嘅醫學意見。
如果有任何疑問嘅話，可以先問問你嘅醫生或專業醫護人員吖！
