其實Dir媽之前已經分享過一篇點樣可以令BB一覺訓天光既方法，其實我家大dir一直以來都算係個好肯夜晚乖乖訓覺既bb, 頭2個多月已經建立左好穩定既訓覺時間，大概每晚9點零開始會訓到第二朝既7點左右，關於係bb時期可以做既請看以下：
http://bkmilk.com.hk/mobile/content_page.php?p=186885
但大dir還是有時候會訓唔著，係床度碌成個鐘先訓，或者係半夜突然間醒左訓唔番係度叫既。其實我處理方法好簡單，就係堅持，堅持每日到訓覺既時間唔會有第二d option, 總之一夠鐘訓落床就係要訓覺，就算佢爬起身我都係捉番佢去訓，唔會開燈唔會攞玩具唔會俾野佢食，總之訓覺就係訓覺。
以下有幾個NG既行為係大家都要多多注意既：
NG 1: 佢唔訓咁同佢出廳玩多陣或者睇多陣電視先，因為monitor對小朋友既腦好刺激，咁佢地會更加唔想訓，同埋佢知道唔訓有人陪佢玩，尤其各位working mum/ working dad, 平日見bb既時間好少，bb會好想同你玩, 咁如果你下下去到夜晚先同佢玩佢就會唔捨得訓，係一個好壞既習慣。
Dir媽工作有時都會好忙，有時返到屋企大dir已經差唔多要訓，所以有時我都陪唔到佢玩，只可以陪訓，但我唔會話要改變佢既作息時間，寧願weekend陪番佢多d
NG 2: 日日都唔同時間訓覺，我知依個又係好難既，大人都無日日同一個時間訓覺啦，但我覺得日日同一個時間訓覺對BB係最好既，因為依家一到訓覺時間大dir已經會自己好眼訓，基本上氹訓既時間超少，長遠計對大人同bb都好
NG 3: 夜奶對小bb係必需既，但係大bb呢就未必喇，尤其一歲之後bb已經開始食一至兩餐飯或粥，半夜嗰餐夜奶就再唔係必需，夜奶仲會引起更多問題例如口腔衛生問題，會注牙等，所以呢，可能要同bb戒左佢喇
總結
係喇係喇，媽媽就係好多野煩，有d習慣係關係到bb健康既我相信大家都好願意堅持，睇下今時今日幾多人奶媽我就知道無咩難到各位媽媽喇，最近我睇到教養既重點，溫柔而堅定，這是一份漫長的人生功課，大家一齊努力啊！
溫馨提示：以上資料係由媽咪提供作一般性參考，並非專業嘅醫學意見。
如果有任何疑問嘅話，可以先問問你嘅醫生或專業醫護人員吖！
