牛欄牌 Pro Absorb 配方 支持 BB 腸道健康

唔少爸爸媽媽都鍾意睡前講故仔 (Bed Time Story) 或者唱搖籃曲，希望BB可以快啲瞓著！但係對於BB來講，選擇一張瞓起來安全舒適，而且健康嘅床先係最重要，今日就等Ms Leely 同大家分享幾個揀BB床仔小貼士啦！

1. 木製最安全

BB床用實木製造會比較穩固穩，如果張床唔夠穩陣，BB係床上碌來碌去，甚至到BB比較大嘅時候會跳來跳去，就會有機會反床，造成危險！

2. 有分段式設計

所謂分段式設計代表張床最少有兩個高度可以調校，適合唔同年齡嘅BB。初生BB未識轉身可以瞓係較高分段，當BB可以轉身甚至站立就應該將床褥較低，以免BB跌出床。

較高分段

較低分段

3. 可以調教床欄

當床調校到較低分段時候，好難將BB放入床內，所以選擇可以調校的床欄會比較方便爸媽將BB放入床。床欄的木條如果係平滑扁身，會比圓柱狀好，BB頭仔撞到圓柱會壓到好痛！

床欄木條 平滑扁身

4. 最重要符合安全標準

當然，最重要一點要符合安全標準，買嘅時候應該要留意有無安全標準認證標籤，採用無毒物料製造，沒有甲醛等等有害物質，咁爸爸媽媽就安心又放心，BB都會瞓得開心 !

希望各位爸爸媽媽覺得今次嘅文章有用，多多分享同埋讚好！如果你哋有其他小貼士不妨留言同 Ms Leely 分享一下。

想看更多育兒資訊，請Like 媽媽的Facebook page：Ms Leely & Pbear. 

#親子kol
#Babykol

 
溫馨提示：以上資料係由媽咪提供作一般性參考，並非專業嘅醫學意見。

如果有任何疑問嘅話，可以先問問你嘅醫生或專業醫護人員吖！

Comments