按摩大法 – BB肚仔冇風自然好瞓~~
-作者: K媽
Bb 訓得唔好，成晚眼光光，一放落床就醒。好多媽媽都一定經歷過。
要抱住訓？ 奶咀？ 母乳媽媽可能會全晚都比BB 啜啜….。
所以想同大家分享一個好方法 — 按摩
其實BB 訓得唔好主要因為太多肚風。 肚仔唔舒服就會喊， 越喊就越多風，所以主要按肚仔。
最好沖完涼或者食奶之前做。 沖完涼BB 夠Relax，一定要食奶前或者食奶後至少一小時， 唔係會好易嘔架。
方法好簡單，就係用純橄欖油或Baby oil, 順時針喺BB 肚仔打圈。一路做可能會一路放屁架， d風就做咁出左黎囉。
咁樣BB 舒服晒， 媽咪都有覺好訓啦！
跟住媽媽可以試下按埋手仔腳仔同心口，BB 夠放鬆自然可以一覺訓到天光啦。
溫馨提示：以上資料係由媽咪提供作一般性參考，並非專業嘅醫學意見。
如果有任何疑問嘅話，可以先問問你嘅醫生或專業醫護人員吖！
