BB點樣食得好?
-作者: Nelle
相信每位媽媽最緊張嘅唔喺自己食咩好，而喺子女嘅三餐溫飽。食足三餐固然重要，但點樣先至比到BB好味又健康嘅嘢食，有時真喺要費盡心思。以下喺我為大家分享其中一款[有營]早餐食譜，呢款建議食譜適合1歲或以上寶寶。
南瓜粥
做法﹕
1. 白米和銀魚乾分別洗淨及瀝乾水份
2. 將清水放入煲中，放入白米和銀魚乾，煮滾後以慢火煮30至40分鐘至成稀粥
3. 南瓜洗淨去皮，切成細小粒狀，隔水蒸5分鐘再壓成南瓜茸，從稀粥中取出銀魚，之後加入南瓜茸攪拌即成。
營養小貼士﹕加入銀魚乾，不單可增加粥嘅氨基酸成份，同時亦提升食粥仔嘅風味。
健康冷知識﹕人體每天要攝取足夠胺基酸方能提供身體正常運作所需。
溫馨提示：以上食譜只供媽咪參考。每個BB嘅身體狀況同需要嘅營養都有所不同，不妨向你嘅醫生或專業醫護人員先了解BB嘅需要啊！
