一位人妻在討論區發文，指老公突然表示覺得彼此之間性格不合，想自己一個而決絕地表示要離婚。她提到，自己從沒想過會離婚，但老公堅拒花時間再嘗試磨合或解決處理，令她不知道該如何處理。
更多文章：【兩性關係】丈夫迴避性生活 是擔心滿足不了妻子的性需要
人妻在親子王國討論區上發文，提到自己與丈夫由讀書時開始識，現已結婚4年，離離合合十多年。平時他們不算多話題傾，可是自從半年前流產後，到現時沒有太多親密接觸，就連普通身體接觸都比之前少。「我有感受到佢對我冷淡咗，但我以為係因未平復到心情所致，之前我想做時佢話未忘記到BB唔想。」
然而，丈夫突然提出離婚，聲稱想自己一個，問到是否因有第三者的出現丈夫卻否認，稱好早前已有離婚的想法，「如傾要BB嗰陣已有少少，因佢其實唔太想要，驚應付唔到，所以佢話冇咗之後有啲鬆一口氣嘅感覺。」丈夫又提到自己一直妥協，盡量滿足人妻導致負面情緒爆發。「佢好決絕咁唔肯再畀啲時間大家處理磨合，覺得冇彎轉，對我亦冇咗感覺」，令她不知道該如何是好。
人妻在貼文中補充，丈夫希望她最遲在5月搬走，「基本上佢同通知我都冇乜分別」。不少網民留言安慰事主，又認為丈夫這般決絕是與第三者有關，「個男都咁決絕，唔好留戀，你30仲好年輕，可以揾個珍惜你的。」
