唔少女人為了家庭，而係生完bb後，選擇放棄工作，全職投入家庭中，確實在孩子成長的頭一年，全職陪在孩子身邊係件好事！但長期下去，會開始無收入，無人際交流，亦會無個人的事業，慢慢就會連工作的動力都會減退。其實，現代女性工作唔係為了想幫補家計咁簡單，唔少女人都想透過工作肯定自己個人價值，而金錢除了可以令生活好一點外，亦可以帶給自己動力，為家庭為小朋友付出。
係討論區中，有JM提出有咩工作可以係家中做？當然，這個熱話引來唔少回應，係家中可以做到嘅工作，除咗可以時間彈性，有唔少工作都可以即使收到錢，比起全職或兼職，會令人放心好多！想幫補家計，可以係有限時間和資源中，爭取Home office，確實係令人鼓舞嘅事，對於要全職工作再帶小孩，會輕鬆一點。
家務多又要湊仔，唔少設計工作、審核工作或資料入庫等工作，可以在家中完成，只要全職媽媽安排好時間，分配好工作量，然後利用手機、電腦、平板電腦就可以工作，但Home office需要有責任心，如果對於工作唔認真、唔上心，久而久之，工作機會就會被人取代，所以，雖然可以接到散工，但唔好因為量少就失去機會啊。
