好爸爸難做！近日一名港爸分享在商場的育嬰室替兒子換片時，被其他媽媽批評及辱罵「好心男人老狗就唔好霸住個育嬰間啦！」，當時港爸未有即時反駁，但其後心中依舊不忿，忍不住發文訴苦：「其實男人就唔可以用育嬰間咩？」遭大部分網民力撐。
一名港男近日在網上Facebook群組「生仔要考牌系列」專頁發帖，並以「做人老豆好艱難」為題分享育兒辛酸。他指有一日推著嬰兒車帶兒子外出購物，途中因為兒子需要換片，就只好帶他到附近的商場的育嬰室。
當換好尿片步出育嬰室一刻，看到有門外站著兩位媽媽正在等候使用。他本來沒有多加理會，沒想到準備離開時就聽到其中一人惡言相向：「好心男人老狗就唔好霸住個育嬰間啦！」另一名媽媽見狀亦一同附和：「霸住晒！人哋唔使用咩？！」
港男當刻採取了息事寧人的態度，全程都默不作聲，但心中卻依舊不忿，因此發文訴苦「其實男人就唔可以用育嬰間咩？」
帖文一出火速引發網民討論，當中大部分網民力撐港爸是值得被尊重，爸爸都有權使用育嬰室，「男人唔湊得仔架咩？」、「爸爸幫仔換片去育嬰室好合理」、「性別歧視咩，男人唔用得育嬰室嘅」、「肯自己帶小朋友的爸爸值得被尊重」、「見到爸爸係育嬰室行出嚟，係一件好值得尊重嘅事」、「只要是照顧小朋友就有權使用」。
另外更有人直言事件中兩位無禮的媽媽可能只是出於妒忌，安慰事主無須多加理會：「有啲老母真係煩，又要嫌個老公唔幫手湊仔，見到男人湊仔又會話人阻掟，真係難服侍」、「佢哋應該係唔抵得『人地老公』會幫手/識得湊仔」、「佢哋羨慕你係神隊友啫！佢哋啲爸爸可能連條片前後都唔識分」。
亦有網民指出育嬰設備不周全的問題，「應該檢討下點解香港啲男廁大部份都冇換片位」、「通常個商場女廁有板就男廁都有, 但廁所個啲通常都好污糟, 俾我就唔敢用」
另一邊廂有網民提醒，某些育嬰室可能包含哺乳間，所以媽媽們才會介意男士進出。
