家中的水渠難免出現淤塞，或出現漏水等問題，故定期通渠也有一定的需要，然而近年通渠服務質素參差，許多網民都曾經於網上找通渠師傅，線上報價時價錢合理，但上門檢查後卻坐地起價，甚至在情況一發不可收拾下，被迫支付5位數的價錢，所以市民們務必小心。
前TVB新聞主播柳俊江近日亦在facebook專頁分享「中伏」經歷，表示家中廚房渠喉堵塞，洗衣機水倒流，導致遍地都是水，於是他在網上隨便找了「渠王」上門檢查，「佢拖兩個喼上嚟，用部機震幾下，話唔得，要升級。再攞條wire通落去，話通咗2米都唔得，要再升級，今次要喺個百寶喼攞兩部機出嚟搞。」
短短在半小時內，渠王的報價由最初的$750，到$1500再到$7500，令機警的他感到不妥，於是支付了$1500請對方離開，「覺得伏伏哋，話都係唔使喇，我諗其他辦法，然後佢叫我還價⋯但係我真心唔覺得件事好妥，就俾咗$1500打完場。」
他直言，覺得事件不尋常，「有啲似炒緊必理痛咁。敢問各位，通渠係咪就係咁嘅呢？」
帖文引起熱議，許多網民都分享類似的經歷，認為是通渠師傅的慣常騙錢手法，提醒大家不要在網上隨便找師傅通渠，「出名嘅呃錢手法，尤其是搵部機係度震震震」、「數年前有朋友遇同樣情況，最後要價二萬先肯走，你，及早止蝕了」、「Google通渠嗰啲全部同一個黎 專呃人」、「你應該搵咗傳聞中嘅通渠3兄弟，好彩你醒目stop得快，否則7500蚊之後又會攪唔掂，叫你升級比15000蚊做換渠！基本流程都係一模一樣」。
亦有人提議遇上類似問題，可以自行購買高壓泵處理，或請管理處介紹師傅，「問返管理處介紹返個通渠，結果去搞咗好耐換埋條喉三千蚊有找。」、「我又係google 中伏call咗個乜嘢龍哥，quote我九千幾，最後淘左個98蚊人仔嘅高壓泵搞掂」。
Facebook專頁「裝修中伏大全（裝修學院）」亦有轉發柳俊江的帖文，並表示行內都知道「通渠」兩個字的廣告費用是最貴的，「因為已被人圍標式搶哂，有苦主分享，佢起網上格咗一輪價，對方話：「唔駛搵啦！邊個牌頭同電話，其實全部都係我！」
