生兒育女是人生的重大決定，雖然俗語有話「有仔趁嫩生」，但現代男女普遍遲婚，加上香港生活成本高，先要安居樂業，才會考慮結婚生子，甚至不婚不生也是大有人在。不過，有女士選擇在生育年齡冷藏卵子，為日後做好準備。一名28歲的港女在網上發文，指自己單身數年，近年開始被媽媽和親友們勸她「雪卵」，為日後生育做好準備，但她認為就算不生小朋友也沒有問題，批評親友「皇帝唔急太監急」。
該名港女在香港討論區以「有仔趁嫩生？親戚問我會唔會趁後生去凍卵先」為題發文，指自己單身3年多，不想為拍拖而拍拖，亦認為生小朋友不是人生必須要的，即使領養亦沒有問題。不過，她的媽媽和親友們卻比她還要心急，不停着她考慮在30歲前雪藏卵子，在結婚後把卵子解凍，不用擔心卵子的質素下降或者因高齡而難以成孕。
她又表示，姨媽在數年前已經向媽媽提及雪卵一事，但當時媽媽認為她的年紀尚輕，不用太擔心，但近來卻開始想抱孫，「阿媽見我冇咩意欲識男仔又見到啲姨媽開始湊孫，佢都想我有個孫畀佢玩吓，所以阿媽先再問我會唔會考慮？」
不過，港女卻對此建議感到反感，更認為單身女子即使不婚不生亦沒有問題，而且即使有拍拖亦不一定要步入婚姻，「只要對方對我好仲唔夠咩？問我會唔會考慮做凍卵先，做咩呀？睇死我冇人要？」
帖文引起熱議，不少人認為雪卵不如想像中簡單，既要經歷打針和做手術抽卵等過程，雪藏和解凍亦所費不菲，「班三姑六婆講既唔係錯既（嘅），越（愈）後生卵子質量就越（愈）好，但你都要知道，就算你凍左（咗）卵，第時想放胎，又係萬萬聲咁洗（使）錢囉。乜都萬萬聲，不如的起心肝快D（啲）搵個好男人結婚，早D（啲）生仔好過啦」、「三姑六婆係咁架啦，而家咩世代，好多人結左婚都未必生，生左要教要養，而家40歲生仔的大有人在，凍卵到時都係人工受孕，唔係百分百成功」。
