生小孩存在太多變數，作為新手爸媽面對臨盆一刻當然萬分緊張，怕會遇上突發情況影響媽媽及寶寶安全。日前有港爸於社交平台分享，指孕妻凌晨作動趕急去醫院，但他們截的士兩次都被拒載，新手爸爸無奈表示：「講哂趕住去生仔都話要交更拒載」，直到第三次遇到好心司機才順利上車，最終母女平安。事件引起網民熱烈討論分享自己作動乘坐的士的經歷，又教路正確的方法；有人直斥司機不是，亦有人力撐拒載情有可原。
近日一位新手港爸於Facebook群組「巴打絲打「13親子育兒」Facebook Club」發文，指老婆於凌晨約4時作動，於是陪老婆在南昌附近打算截的士前往醫院，事主老婆當時身體狀況是持續陣痛，惟「冇穿水冇見紅」，豈料遇到首兩個的士司機都以交更為由而拒載，「頭兩架同佢講晒趕住去生仔都話要交更」，直至截第三輛的士才順利上車。港爸事後亦有補充指母女兒平安並答謝該好心司機「多謝第三架（的士）肯車」。
帖文引來網民熱議，不少人認為人命關天，直斥的士司機拒載是不對的行為，「交更啫，人命呀，咁都分唔到輕重先後？真係價值觀問題。」，但亦有網民則認為司機拒載是情有可原，「如果爆胎水好大鑊」、「佢哋遲交更好似要罰好多錢」、「有咩事佢要負責任或清潔，搞到下一更佢又會俾人鬧，世道艱難啊」、「call的士同截的士係兩樣野，call的士生仔好正確，截的士但人地交更都唔比一定要車你，唔係就公審人呢個行為就唔等於正確」。
有網民提醒港爸在老婆臨盆前應做好準備功夫，可以預先使用電召車輛服務，「BB爸爸你應該要裝定uber app，知道隨時要call車入院的話要做好準備啊，你快d裝番個，到時出院可以提早call車，而且可以mark番有初生bb，司機會識做」、「其實呢啲情況一定係call車，用app又得，打電話又得」、「其實未穿水未見紅，應該搭巴士去都未生得（利申生左三件）但其實應該call 定車。慢慢自行落去上車，唔洗老婆痛住喺街等。」
另外亦有不少媽媽分享自身經驗，教路搭乘的士可在坐位上放吸水墊以防萬一，「我第2胎作動都係坐的士，個陣我放張吸水墊係個坐位到，以防萬一真係穿水搞到人地，好彩咩事都冇」、「我第3胎，半夜穿水call Uber，著晒褲仔，拎埋床墊，上車慢慢墊好」，亦有人提醒普通陣痛不要叫白車，「產檢嘅時候醫生護士講到明，如果唔係抖唔到氣好嚴重，普通陣痛係唔應該call白車」、唔應該call白車架，政府醫院啲講座都有教，Call 白車係只會送去最近嘅醫院，唔係本身去開產檢嘅醫院或者甚至係冇婦產科嘅醫院架」。
