雖說養兒防老的概念早已過時，加上香港生活成本高、樓價高企，不少父母更動用儲蓄協助子女置業，而不是要求子女養自己，不過交家用亦是孝敬父母的一份心意，亦有很多子女心甘情願回報父母。有港媽在網上發文，問及子女應該付薪金多少成作家用，引起網民熱議，大家都分享對家用的看法，大致認為子女在人生不同階段，可以給的家用金額也不同。
家用要給多少才叫合理？該名港媽在親子王國討論區以「比家用」題展開討論，問及子女交家用應該佔薪金的「幾多％」，隨即引起熱烈討論，有人認為只需要象徵式收取子女的金錢，「3％象徵式收下咪算，又唔係等佢養，佢搞掂自己已經好好，最緊要關懷父母」、「3% 我好樂意收」、「冇所謂，肯比已經好好」、「隨心，俾唔俾都得，最緊要成日返嚟探我陪我食飯陪我傾偈」。
亦有人認為，很難以薪金佔多少成來計算合理的家用金額，一切都要視乎子女的賺錢能力，有能力的或許可以付出更多，「唔應該話掛鉤要幾多百分比，好似老馮咁樣，總之佢基本畀咗某個數就得，見而家初出道大多數都係畀三幾千」。亦有人認同子女應該按薪金百分比交家用，「至少10%」、「起碼15% - 20%都不過份」、「我覺得20%, 依個比例放落幾多錢人工度都合理」。
《香港愛情故事》劇照
另一派的網民就認為，子女交多少家用很視乎他們正處於那個人生階段，未婚仍與父母同住時大約交2至3成薪金作家用、未婚但不是與父母同住就交1成作心意，當有家庭時金額隨心，「心目中係咁，唔會規定或強迫」、「唔睇%而睇時期，同樣二萬人工，如只搭車食飯就比多啲家用。到佢要扮靚、拍拖、儲首期，真係少少當心意就得」。
不過，亦有不少家長應該時代轉變，不會要求子女一定要交家用，「我也會覺得養活自己子女，直到他們成家立室，是我做父母的責任」、「俾家用同責任根本就無關，只可以講係對父母既心意，唔俾又如何」、「我覺得養大仔女係責任，佢地未出黎做野冇錢當然要養。但仔女養父母我覺得吾（唔）一定，因為父母退休前有工作，亦應要自己為退休作好準備。」
