與家中四大長老產生的磨擦，很多時都與照顧小朋友的意見不合有關。爸媽質疑長輩們的育兒方法不合時宜，長輩們又有經驗在先，矛盾並非三言兩語便可化解！然而，有一班準祖父母為了證明自己「唔Outdate」，專程到社區中心上課，學習照顧嬰幼兒。
Winnie和丈夫是「精叻祖父母班」的學員，一星期有三天都來到社區中心上課。兩名孫兒將於6月及11月出生，他們都要幫手照顧。準爺爺和嫲嫲由餵奶、替嬰兒沖涼、餵藥等都要從頭學過。 Winnie直言，剛報了課程時不敢告訴兩位兒子及新抱，怕他們期望過高。
不過上了頭兩堂後，他們就主動分享課堂內容，話題多了令感情也變好。Winnie自豪地稱︰「我哋都係學咗啲好新嘅嘢，可以同仔女溝通。你哋唔知嘅嘢我都知，我仲多咗你哋一樣嘢，叫經驗！」
課程亦會為這班「P牌祖父母」做定心理準備，分享與家人溝通技巧、舒緩壓力等等。另一位學員黃太則覺得，課程是對自己要調整心態的一個提醒︰「嗰個唔係我個仔，係我個女個仔，我成日提自己，如果我咁做或者我咁教佢，佢父母認唔認同我呢個做法。」
大部分學員都是退休人士，能夠用本來享受人生的時間學習新知識，令課程導師兼社工Echo深深感動︰「照顧小朋友好辛苦，佢哋湊孫都唔係必然嘅事，佢哋付出其實好重要」。
一起用5分鐘，體驗一下這班「P牌祖父母」的學習情況！
