2019-03-18

4.6K

【潛在風險不能忽視】這款衣服曾勒死幼童......

好多意外往往都係你覺得佢冇可能發生,但偏偏就發生咗!有時危險就係潛藏於日常生活之中,好多父母都估唔到,普普通通著件衫都有致命危機......

講緊嘅係以下呢款有繩嘅連帽衛衣:

可能你同我嘅第一反應都係:吓?條繩咁幼,會有事咩?但上網一搜新聞,原來真係出過事。

可能有人會話,點知危險幾時會出現,唔好草木皆兵先至得架!雖然話一條幼幼嘅繩卡喺某一個地方,力度仲要大到足以勒死一個小朋友,呢個機率係唔大嘅。但係明知有潛在危險,我都真係唔敢搏!萬一出事,邊個賠返個小朋友畀我?

好在而家好多衛衣都唔再有拉繩設計,媽媽們買衫時稍作留意,就可以避免呢個潛藏危機。不過除咗衣著,都見唔少意外就係因為睇少眼小朋友,佢就衝出馬路或者由高處墮下。唔一定係小朋友太頑皮,好可能佢哋真係未有安全意識。有時會嫌成日追住小朋友跑好攰,但諗諗下都係追多一兩年啫,再大少少懂事後就可以教佢避開危險。

所以話,做人呀媽呢條路真係長憂九十九!

新聞來源:ON.CC、TVBS、新唐人電視台

【編按:以上內容為作者之個人意見及立場】

相關文章

【幼兒安全】2歲半男童疑貪玩用毛巾按壓初生妹妹的臉 險致其窒息!

4歲男童被毛巾擦臉後突眼睛劇痛 醫生揭露驚人真相!

【家長注意】幼童將綠豆塞鼻孔 家長幾日後發現時已快發芽!

【家長留神】8個月大男嬰誤吞氣球 搶救23天後不治

緊貼新冠肺炎最新相關資訊