2020-03-25

5.6K

【生活係最好嘅教科書】成日發脾氣?太有個性?父母先學這3招培養孩子

每每出街,都會怕囝囡扭計、發脾氣,一旦遇上,真唔知點樣解決以上問題,而又不失霸氣呢?今次見討論區內有JM分享自己嘅育兒煩惱:「嗰囡一歲,成日少少唔滿意就大叫」,唔單止會叫,仲會「間中會推開人......會用手掌推開人塊面......」,小朋友會大叫大喊都算,但如果會動手動腳,就真係令父母擔憂。然而,孩子嘅想法、性格、脾氣等等唔多唔少源於父母嘅教育,當囝囡慢慢成長,到佢哋更加有自己諗法時,依家唔用適當方式調教,以後就好難說教。


即上討論區一齊傾:呀女太有性格,定係正常?
即上討論區一齊傾:小朋友好有性格成日發脾氣

另外,亦有JM提問:「小朋友兩歲,男仔,一唔鍾意就打人發脾氣,可以分享下點樣教?」之前我都有分享過幾個方法,講還講,每個小朋友嘅性格都唔同,親子間多少會有衝突,父母可以做嘅除咗忍耐,就係不斷嘗試,唔使太灰心!

當中有網民回應囝囡還未到可以表達自己想法嘅時候,所以,佢會方法大叫或用動作獲取父母嘅關注、回應, 所以每當佢就大叫時, 父母可以慢慢糾正佢,用嚴肅嘅方式或說話去告訴佢,畀佢知大叫、大喊係唔啱,推人、打人更係唔好嘅行為。



上述方法唔一定立即見效,但父母可以留意自己對囝囡嘅態度、語氣會唔會太激,父母嘅行為舉止有時都會影響到小朋友,而囝囡嘅行為舉止亦係反映父母行為嘅一面鏡,所以父母嘅自我檢視都係重要嘅一環!


以身作則


當媽媽會用惡劣嘅語氣對小朋友,佢地都會模仿,用同樣嘅方法對待其他人,所以,父母要多加留意自己嘅行為,會否有唔恰當嘅地方,教育囝囡嘅同時,亦係改善自己嘅好機會。


幽默化解


之前都有分享過有啲媽媽唔主張「硬碰硬」,但當遇到小朋友語氣唔友善時,可以嘗試用另一個方法去應對,唔好要講贏小朋友甘,反而用輕鬆嘅語氣去令囝囡知自己做緊咩,咩事係啱、咩事係唔啱。


管教有責


遇到囝囡做錯事後真係講極都唔聽時,咁父母最好要有「殺手鐧」,例如可以限制佢地玩樂嘅時間、零食點心等,就算小朋友態度再唔好,都會嘗試合作,讓小朋友慢慢學習明白,面對自己做錯事係要有後果,令佢地唔好再犯。


育兒嘅路上每個階段都有新難題,關關難過關關過,每每聽到都會令人反思,教導小朋友呢門功課唔容易,從小事做起,而生活就係最好嘅教科書!


即上討論區一齊傾:呀女太有性格,定係正常?
即上討論區一齊傾:小朋友好有性格成日發脾氣

【編按:以上內容為作者之個人意見及立場】

相關文章

【教育方程式】爸媽必學有效5招 令偏食小朋友愛上食菜!

【幼兒情緒】3大要訣 疏導幼兒不開心情緒

【教育方程式】孩子喜歡重複做一件事,有問題嗎?

親子閱讀無從入手?專家提供小貼士 把握0至6歲黃金學習期

緊貼新冠肺炎最新相關資訊