2019-03-23

2.1K

半夜哺乳的奇想 鐵乳娘之育成

所謂既鐵乳頭,即係乳頭不斷比bb吸啜,破完皮再生返,再破皮再生返,來來回回好多次之後,乳頭唔再怕痛,好似鐵咁無堅不摧

由一開始時好痛,想放棄埋身,想補粉比佢食算數,但憑著媽媽既唔甘心,明明position 做得好好,又冇損冇流血,但矯嫩既乳頭又點會由做媽媽果日開始,突然識得變成啜半個鐘都不痛不癢既鐵乳頭呀?

果鼓堅持驅使媽媽即使痛都盡量埋身,每次餵奶過程再三留意姿勢、頂唔順果時寧願用手渣成半個鐘去清空乳房,因為痛到連奶泵都用唔到!

果種痛係好似跌親擦損左表皮,令到充滿神經末梢既真皮外露,唔掂都感到焯熱痛、掂到件衫簡直想打人!!次次埋身都痛到要深呼吸、痛到含住兩泡眼淚,即使渣奶渣到就黎變媽媽手,都咬緊牙根堅持!

Theory 話只要姿勢正確係唔會痛,原來係呃人架,姿勢正確只可以確保你唔會被拉扯到有傷口/壓力唔駛淨係由一點位置去承受而造成傷口!但皮膚未習慣被吸啜咁耐都係會破皮的,亦有可能係bb口太細、媽媽乳頭太大,亦有可能係bb吸力太大,亦有可能係媽媽皮膚太嫩等等等,咁當然正確姿勢係必須的,係唔可以忽略的!

直到有一日,你會突然發現,乳頭好似冇咁痛了,埋身時可能只係頭幾下吸啜會痛,再吸都唔痛了,著衫又冇咁痛苦,原來咁就捱過了!以前既痛苦都變得不外如是!

其實同做人咪一樣?邊個天生就識做哂所有事情?做任何野都有可能係第一次!每次接觸新事物你都係門外漢!我都係第一次做媽媽姐,好多野都係唔識要慢慢摸索,開頭會覺得好挫敗,明明所有可行方案都做過哂,但turn out結果都唔合乎預期!日日都好似摸住石頭過河咁!過程痛苦萬分,但透過一次一次失敗,你搵到自己既方向,到最後,你即使未可以稱為成功,但都比一開始進步多了!!

接觸每件新事物都可能會係咁!堅持堅持再堅持,改進改進再改進,成功離你不遠!鐵乳頭終有一日會練成,你都會變成無堅不摧的人!

#鐵乳頭的啓示

#半夜餵奶忽發奇想

#產後媽媽比較多愁善感

#關注你身邊既產後媽媽

#唔好將專注力淨係放係bb身上

#希望在明天

【編按:以上內容為作者之個人意見及立場】

相關文章

【家居安全】10個月大女嬰誤吞扣針吐血 藝人媽媽自責淚崩:我們是最差勁的爸媽!

【換牙Q&A】家長無懼換牙期 呵護孩子恆齒成長!

【學業壓力】10歲男童突詭異笑、失控亂跳 揭患「歇斯底里症」

【營養師話你知】懷孕期間攝取無咖啡因咖啡安全嗎

緊貼新冠肺炎最新相關資訊