小朋友由四至五歲開始，就經常將「點解呀?」掛喺嘴邊，呢段時間係佢哋好奇心最旺盛嘅時候。就算你細心解答後，佢地都會陸續不斷發問，正正係因為佢哋五官最敏感嘅時期，對所有事物都抱着想了解嘅心。而各位家長又如何好好把握機會，將小朋友嘅好奇心激發成創造力呢？
熱門討論區：救幫忙！如何教導好奇心極重小朋友尊重他人物品？
更多文章： 孩子成日爆喊點算好？家長先要明白子女爆喊原因
1. 家長亦可以問點解
家長可以透過發問問題去激發佢哋嘅想像力，例如問﹕點解今日冇陽光？點解會落雨? 就算小朋友年齡細，未清楚一些科學常識，都可以由佢哋嘅想像力去解說，更可以鼓勵佢哋去書店一起搵答案，亦可以俾佢哋學習點樣表達想法，同時可以訓練到找尋答案嘅能力。
2. 將問題變成畫
如果今日小朋友問點解冇太陽，家長可以建議小朋友用故事形式將問題畫出。例如引導小朋友將太陽變成一個人物角色，反問小朋友今日太陽伯伯去咗邊度唔見咗，請佢哋畫個故事，從中激發佢哋創意同想像力。
3. 與小朋友一起煮飯仔
香甜美味嘅蛋糕小朋友們都好鐘意食，但從來都唔知道點樣整。不如陪同小朋友一齊整蛋糕，過程中可以刺激佢哋感官，又理解如何整蛋糕，到親自落手去做，到親眼睇住蛋糕焗前焗後變化，絕對可以喚醒佢哋無窮想像力，繼而願意去發掘更多事物。
更多文章： 孩子成日爆喊點算好？家長先要明白子女爆喊原因
熱門討論區：救幫忙！如何教導好奇心極重小朋友尊重他人物品？
4. 一起創作故事
如果發現小朋友特別喜愛創作，可以一同創作一本全新而獨有嘅故事。家長可以先提供特定的人物、時間背景，然後由小朋友繼續延續故事，將故事的起承轉合都想像出來，亦係一個歡樂嘅親子活動。
5. 學習新事物
無論成年人或小朋友，一旦接觸新事物就可以喚醒創意力及好奇心。樂器、語言、新技能或運動，都可以刺激大腦去接收新事物。鼓勵小朋友培養興趣之餘亦可以訓練持之以恆嘅習慣。
6. 見識世界 認識不同文化
帶小朋友去世界各地旅行或從圖書電視認識不同文化，不同國家都有不同習俗，認識過程中可以與小朋友一齊討論飲食、衣著、語言文化。例如見到寒冷國家與熱帶國家，可以一齊討論兩個地方喺生活上有咩分別，由討論中發揮想像力。
