2019-01-05

9K

22歲女帶住男友去旅行,為人父母心慌慌!網民:咁大個都唔放心?

唔知大家仲記唔記得初嚐同另一半去旅行係幾時?特別作為女仔嘅你,又有無試過瞞住阿媽偷偷地拍拖,仲要借朋友過橋,呃阿媽話去女仔朋友屋企玩,事實就走咗去男朋友屋企過夜?直至幾多歲,你先坦坦白白同你雙親講,呢啲全部係美麗謊言?

話說Juicy媽今日就睇到有位JM喺forum大吐苦水,話啱啱收到阿囡「通知」,將要同男朋友齊齊去旅行,呢位JM簡直係嬲都震,覺得阿囡咁做會身陷「失身危機」,仲問大家會唔會阻止佢哋去,而重點係事件中嘅女主角已經22歲,所以大家都幾一面倒,覺得阿囡已經係成年人,邊有話仲可以唔畀佢去:「她都成年人啦 ? 你別管太多啦 ? 年輕人的世界。」、「22歲,無得嬲無得管啦! 」、「性教育係由細灌輸,你做左幾多,依家收成幾多 」

咁又真係嘅,不竟囡囡都已經22歲,但作為父母無論囝囡幾多歲,點都搵到啲嘢擔心下,所以呢份心情又明白喎,假設真係「搞出人命」,女方確係有更多嘢需要承受,所以講到呢度,各位都覺得已經唔係去旅行嘅問題,而係應該及早教育強健思維,從小灌輸正確嘅性教育,等子女都明白事情嘅嚴重性,如果唔想咁早放低書包,升級做人父母,就應該好好為自己行為負責。

即上討論區一齊傾

【編按:以上內容為作者之個人意見及立場】

相關文章

【親子急急問】2歲小朋友皮膚乾燥易紅兼體重偏低 醫生:全因缺鋅

【親子急急問】新手媽媽睡眠不足 專家:加速衰老3至7年

【暖男爸爸】3個月大BB打針 爸爸不捨爆喊 網民:打在兒身痛在爸心

【親子急急問】小朋友雙語學習愈早愈好?芬蘭研究:有與生俱來辨識力

緊貼新冠肺炎最新相關資訊