2020-05-21

1.2K

【媽咪二次懷孕12W】超詳細版!公立醫院孕婦特別付費檢查一覽表

我第一次去威院做唐氏前期篩查,見到有幾張孕婦檢查單張可以同各位孕媽咪分享,懷孕期間總有一款樣重要檢查要做,大家睇完公立醫院價格,可以考慮有無需要再找出面醫生做返!

早孕期妊娠毒血症篩查 $2800 / 早孕期妊娠毒血症篩查加NIPT敏兒安 $6700
- 約11-12週內進行

近幾年大家都聽唔少妊娠毒血症的新聞,中大醫學院係上年研究出相關前期篩查。
未有篩查前會因為孕媽咪係大概20週出現高血壓及蛋白尿,所以先會發現到;不過宜家最早於11-13週做篩查,如果當時確認屬高風險,就可以先通知醫院做好準備,再服用藥物去降低病發率,咁到時分娩媽咪同BB就更安全啦!

早孕期妊娠毒血症篩查連結:早孕期妊娠毒血症篩查

NIPT敏兒安T21 無創性胎兒染色體篩查 $5700
- 約12-18週內進行

依個篩查同Nifty Pro及T21 Advance等篩查一樣,最主要測試孕媽咪血液去檢測胎兒有無唐氏綜合症及其他罕有病, 一般係胎兒十週就可以做, 有部分醫生會建議安排11至12週檢測,結果就會更準確。

市面上有三四種類似的篩查, 所以大家大多數會以篩查病的數量或價錢去決定做邊種,而今胎我選擇做Nifty Pro,價錢是$4400,原價是$4800,不過加上產檢就平咗$400,我做完十日就有姑娘通知結果;不過我之前係媽咪Group見到有醫生表明做Nifty pro抽血兩次亦唔成功檢測,費用係無得退回。不過我既醫生一早表明唔成功可以退款,所以建議大家要先問清楚再做。

而另外,我暫時聽過全港做Nifty Pro最平係$4400連產檢,而T21 advance係$5500,大家都可以參考看看!

孕中期結構超聲波 單胎$4500 雙胎$10000
- 約21週進行


結構超聲波會由醫生確認胎兒外觀同身體器官係咪正常,公立醫院一般會為情況比較特別的孕媽咪提供結構超聲波,例如雙胞胎等等,所以各位孕媽咪記得要係12週盡快約好照結構的醫生;而我搵到有位女醫生評價不錯,價錢又好實惠,只需$2000,費用比我第一胎仲要平, 所以我無咩考慮就揀咗依位,到時照完再同大家分享!

脆性 X 綜合性篩查服務
- 未懷孕至懷孕17週進行

脆性 X 綜合性篩查我是第一次聽,雖然香港並不流行,但其實外國好多地方都有把這篩查作為主要孕婦的常規檢查!這款檢測主要用於評估預備懷孕或懷孕中孕媽咪的基因,會否有導致胎兒智力出現缺憾及自閉症問題,價錢方面我未見到有寫出嚟,如果有需要大家可以致電返中大及新界東聯網 婦產科學系查詢嫁。聯絡資料

全港脆性X綜合症 (X染色體易裂症) 篩查資料連結

以上係威院的婦產科資料,如果大家係其他醫院登記分娩都可以問返會唔會有相關服務嫁!

【編按:以上內容為作者之個人意見及立場】

相關文章

薯B他媽的日記:孕媽媽人生交叉點 傳統禁忌該如何平衡

【媽咪二次懷孕13W】第一次及第二次健康院產檢及到公立醫院做唐氏前期篩選!

一句激嬲大肚婆的說話

【媽咪二次懷孕8W】 與你私心分享我的孕期皮膚保養品!

緊貼新冠肺炎最新相關資訊