2020-04-27

7.5K

【B型鏈球菌】產前檢查重要性 勿忘乙型鏈球菌篩檢

相信所有懷孕媽媽都有一個願望,就喺BB 身體健康。

懷胎十月,為咗了解BB同媽媽嘅情況,期間有大大小小嘅檢查要做。其中一項就喺預防新生BB乙型鏈球菌(B型鏈球菌)篩查。一齊嚟睇下乙型鏈球菌究竟喺咩啦!

咩係乙型鏈球菌

乙型鏈球菌,可以喺生殖系統、泌尿道及直腸中被發現,是人體常見嘅菌種。10名孕婦裡面有2-3名孕婦會有乙型鏈球菌。一般嚟講,乙型鏈球菌並唔會對成人嘅健康構成威脅,即使你係帶菌者都無須進行治療,但都有少數免疫力低嘅女性,在陰道感染咗乙型鏈球菌後,會有尿道感染、子宮內膜發炎等症狀。重點喺!呢種病菌目標喺免疫力不佳嘅新生BB!可以令初生BB喺出世後數小時或幾個月內出現症狀。

更多文章:懷孕中期 這些不良習慣要避免!

乙型鏈球菌對新生BB造成咩影響

早發感染:

一般發生在嬰兒出生後數小時內,症狀包括:

-呼吸急促
-心率和血壓不穩定
-腸道和腎臟出現問題
-最常見的是肺部感染,血液感染和腦膜炎

晚發感染:

一般發生在嬰兒出生後一周或幾個月內:

-常見的症狀是腦膜炎

睇到呢度嘅媽媽,無須過於恐慌!一齊嚟睇下點樣篩查、治療方法啦!

點樣篩查乙型鏈球菌

在懷孕的35-37週進行檢查。醫管局轄下的產前門診及衞生署的母嬰健康院可為合符資格的本港孕婦提供乙型鏈球菌拭子普及篩查。產科醫生會喺孕婦嘅陰道及直腸採取樣本,做細菌培養,篩查過程十分簡單、快捷,並不構成任何痛楚。

更多文章:皮膚長斑、色素沈澱,擔心出現妊娠紋⋯⋯如何避免?

若測試樣本呈陽性,應該要點做?

拭子測試呈陽性嘅孕婦,會喺分娩時於靜脈注射抗生素,可以大大降低新生BB受到感染的機會。不過,並唔喺每位有乙型鏈球菌寄存嘅媽媽,佢哋嘅新生BB都會受到感染,新生BB嘅感染率約每100至200個乙型鏈球菌寄存的孕婦中,大概只有一個BB會受到感染。

經陰道出生而受到感染並唔喺BB得到乙型鏈球菌嘅唯一途徑,亦可以從其他途徑感染晚發型感染,雖然並不常見,但爸媽亦應多加注意。

另外,若你無進行過拭子篩查,妊娠期少於37周(早產)、發熱(體溫38℃或以上 )、羊膜穿破(穿水)18小時以上,都建議你喺分娩時接受靜脈抗生素注射。

孕期私密處異狀要注意

最重要喺保持私處清潔及養成良好衛生習慣,如有痕癢或分泌物異常,要及早求醫喇!


相關文章

【薯B他媽的故事】做糖水測試嘔到七彩 確診妊娠糖尿超自責

有咩產檢要喺私家做?留返啲錢喺政府醫院都做到!

【懷孕後期】第27週:肚痛記

胎盤前置可以順產嗎?

緊貼新冠肺炎最新相關資訊