2019-04-11

14.2K

【包媽孕記】大聲宣布「我懷孕了﹗」佛系孕吐媽媽育成記

呢兩年人生面臨翻天覆地嘅改變,從一個人,變做兩口之家,過咗年半二人世界之後,話咁快陳小B已經喺我肚入面啦~

「HELLO各位哥哥姐姐UNCLE AUNTIE,我叫包包,因為爸爸媽媽發現我存在時仲係粒細胞,太細個照唔到搞到有點擔心,所以爸爸話叫我做包包﹗」

頭3個月未穩定,傳統上又「怕BB小氣」,只有少數家人同包包契媽SSS知情,其實已經發生過好多好多事。大家仲記得十號風球山竹嗎?當日包爸要返工,包媽要Home office打稿,但兩間房窗口都有漏水,全日不停抹窗扭毛巾倒水無限loop,加上屋企被吹到左右搖,到4、5點包媽已經累攤了……

翌日包媽以為自己period到,點知再過多一日,同平時m come情況略有不同,驗一驗之下驚現兩條線﹗﹗

然後入院,隔日抽血驗HCG,終於照到胎囊……就好似打機一樣,一關過完又一關……流啡兩三次要瞓床休息,自6Wks起日嘔夜嘔,高峰期一日嘔15次,嘔到胃抽筋已成家常便飯……連醫生都話:「只要唔係毒品或者毒藥,你食得落乜嘢就盡量食啦……」

身邊無朋友試過咁嚴重嘅孕吐,除咗聽下我呻,都努力搵書問醫生,食梳打餅、朝早食飯樣樣都無咩用;長胎3寶:雞蛋、鮮奶、牛肉,得返牛肉食到其他都食幾多嘔幾多……問過媽咪當年嘔到3個月就停,但奶奶係嘔到入產房-.-

瘋狂孕吐下,懷孕後輕咗少少,幾周孕肚真係顯得有點大哈哈~

作為一個年年都腸胃有事要入院吊鹽水嘅人,真係有BB後先知媽媽到底可以有幾堅強,嘔到胃抽筋嘔到再辛苦爆喊,都只係怕包包唔夠營養,成日摸住肚話:「媽媽嘔唔緊要呀,明知會嘔(好嘥米飯)都會努力去食,最緊要你吸引到足夠營養,健康出世就得啦﹗」

有咗之後經常不自覺放隻手喺肚前面

千其唔好信3個月後就無事,因為當過咗而自己仲嘔緊,個人係會更灰……自問已經相當正能量面對一切,已經打定輸數要嘔到生,早咗完結當BOUNS……但求包包吸收到營養,嘔就當我提早減磅啦~

孕吐媽媽們,一齊加油﹗

【編按:以上內容為作者之個人意見及立場】

相關文章

【椎心之痛】活嬰當死嬰?早產兒被誤誤判死亡 放進膠袋致腦癱

【重男輕女】未來老爺奶奶要求減胎:讓兒子有更多養分 龍鳳胎媽媽嬲爆悔婚

老公主動陪產被嚇親!一年後卻提出離婚:見到你就覺得惡心

【媽媽驚喜】超聲波檢查 顯示雙胞胎在媽媽肚中甜蜜錫錫親吻

緊貼新冠肺炎最新相關資訊