2020-01-30

1.8K

第三胎產後紥肚分享

宜家成日聽到好多產後媽咪去紥肚,而上網都見唔少紥肚嘅宣傳。我陀上兩胎時,一來紥肚風氣唔太流行,二來恃著自己年輕又瘦底,完全冇打算紥肚。

今次,第三胎,眼見腹部肌肉愈來愈鬆弛,試下搵紥肚師,幫我修整呢個問題。我搵咗「Queen女王印尼古法紥肚專門舍」,紥肚師專程去峇里學傳統紥肚技巧,連紥肚帶都係印尼訂番來的。

第一日,紥肚師揹咗成張按摩床上來,真心讚佢專業,張床真係好重。首先,紥肚師用香橙生薑油幫我按摩頸背,加速血液循環及排毒。因為我長期坐住抱BB餵奶,同埋坐骨神經問題,佢特別為我加強按相關穴位,舒緩痛楚。

接住,一邊敷住薰衣草眼枕,一邊用Glycel三極纖體儀碌吓肚皮,收緊肚部深層肌肉,再用按摩油按肚,去肚風,促進腸狀蠕動,按時聽到咕嚕咕嚕聲音,原來生完真係好多風係入面。

最後,敷上自家調製嘅美白肚mask,扎上紥肚帶就完成,成個過程大約一小時。紥住至少6小時可以拆,期間我可以著番平時著開嘅衫出街,完全睇唔到紥肚帶嘅痕跡。

紥完第四日,係時候睇成績,下腹竟然修咗5cm,肚兩邊明顯收緊,紥肚師話通常由腹部兩邊開始修減,然後再到肚腩位置。而腹直肌分離問題,亦有改善,由紥肚前嘅兩指距離,縮了半指。

除咗實際「成績」滿意外,亦要讚一下紥肚師,我生完仲係醫院時,已經提供坐月湯水資料,有咩唔識唔明都可以問,佢地有催乳師及陪月坐陣。紥肚期間,教我做收腹運動,令效果事半功倍。佢好細心,第一日知我某d位置特別酸痛,就每日幫我按多d。每朝又會煲養生湯水或茶,帶比客人,仲成日提醒我「唔好企係度飲嘢呀」。

我試埋佢新入手嘅Talika光學美肌儀,順便做埋 facial。今次真係感謝Queen女王嘅紥肚師呢。

更多資料可參考: https://bit.ly/2ID7o0K
*紥肚效果因人而異

【編按:以上內容為作者之個人意見及立場】

相關文章

冬天坐月媽媽冇煩惱

如何看待肥B唔肥媽

【包媽孕記】包包首次做主角!百日宴派對好主意

想做全職媽媽湊BB?辭工前的4個考慮

緊貼新冠肺炎最新相關資訊