2020-10-09

724

「塑膠回收先導計劃」登陸觀塘同沙田區喇!

講起「塑膠回收先導計劃」,其實喺今年1月已經登陸東區喇,而觀塘和沙田區的先導計劃亦在7月開始咗,為區內已登記的公私營住宅、學校、公營機構、社區回收中心和「綠在區區」等,免費提供收集非工商業廢塑膠服務!

更多文章:「塑膠回收先導計劃」登陸東區喇!

今次先導計劃下可回收的塑膠物料種類好廣泛架!我哋會收:

膠袋(例如背心袋、米袋、包裝膠袋等);
膠容器(例如膠樽、膠桶、膠箱、微波爐膠盒、乳酪杯、豆腐盒等);
發泡膠(例如水果網、發泡膠箱、發泡膠防撞物料等);以及
膠餐具、膠飲管、光碟、包裝氣泡膜及其他包裝膠物料等。

如果你哋有啲日常無法再重用嘅廢塑膠,只須清空同埋沖洗乾淨,全部放入貼咗「先導計劃」橙色標示嘅回收箱就可以啦,繼續實踐「揼少啲‧慳多啲‧識回收」。

更多文章:抗疫「綠」招︰點樣抗疫又不失環保?

靜靜雞話你知,原來承辦商收集咗廢塑膠之後會進行加工,成為塑膠原材料或再造塑料產品,供應返俾本地市場或轉售出口,確保回收後嘅廢塑膠得到妥善嘅處理。「塑膠回收先導計劃」至今的總回收量已經大約有140,000公斤啦!大家記得繼續支持,齊齊乾淨回收廢塑膠!

在最近疫情之下,大家都避免外出,仲可能會叫多咗外賣!記得盡量在可行情況下不索取膠袋或即棄餐具,如情況許可亦可自備盛載器皿去食肆買外賣,咁就可以在應對疫情期間同時為環保出一分力。

如果你嘅屋苑喺沙田、觀塘或東區,想登記參加塑膠回收先導計劃,就快啲去以下網站查詢啦!

沙田:shatin.lauchoikee.com.hk

東區:eastern.successgrand.com.hk

觀塘:kwuntong.successgrand.com.hk

【編按:以上內容為作者之個人意見及立場】

相關文章

緊貼新冠肺炎最新相關資訊