2021-04-26

3.3K

【幾個移民媽】澳洲睇樓買樓大不同 移民專家:三個重點要留意

最近好多朋友仔研究緊移民,大家去到一個新地方嘅時候會唔會先考慮當地嘅衣、食、住、行?等我Yo媽趁機會同你地分享下啦。

今日就不如講下《住》先,我係澳洲就梗係要講下當地嘅樓市、買樓須知。初到澳洲西澳嘅時候,都會諗究竟應該買樓先定租樓先? 如果有能力嘅話買當然平過租,大前提係你要有2成首期!

更多文章:【幾個移民媽】國際學校淨土不再 移民尋出路?移美港媽:慎選學校

一般我地購買房屋都會睇一下個人購買能力,你可以去銀行先申請定Pre Approval,銀行會根據你嘅入息、家庭成員人數、還款能力等計出來,上面會指明你可以購買幾多錢嘅物業,咁就方便好多!有咗預算大家就可以上網睇樓,澳洲一般會用 realestate.com.au ,上面有租有買,大家可以根據自己能力、喜好及預算去選擇不同地區、房間數目、獨立或公寓。

每間屋只有一個地產代理負責銷售,如上面無寫明 Home Open日期及時間,你可以直接聯絡地產代理約時間睇心水樓,不過提一提大家澳洲嘅代理同香港中介唔同,唔好諗住買樓大哂,佢地有好難約架,同埋佢地唔一定就你時間。有時在廣告上標明某個日期同時間Home Open,大家一定要準時,因為佢講明15分鐘就真係得15分鐘,唔好遲到呀!

當你去到Home Open,如果係心水屋嘅時候,你可以同代理講想落Offer,意思係如果佢開價係$80萬,你可以直接出$80萬,地產代理收齊不同買家落嘅Offer就會給業主,業主會根據Offer上不同條款去決定接受哪份Offer!例如有客人是現金購買、又或者有客人寫上Subject to Finance,意思係需要時間去銀行申請按揭,最後如果銀行不批按揭,買家係無需要購買,所以係呢個情況下,賣家一般會接受現金購買。所以如果係睇屋前已經申請咗Pre Approval,就會方便好多,各位朋友記得留意呀!

更多文章:【幾個移民媽】香港飲食文化在澳洲 移民媽:活海鮮應有盡有!

係澳洲選擇樓其實同香港大同小異,地段、校區應該係我地最緊張,好似香港咁九龍城區又方便又有校網,梗係大家都想住,價錢係反映一切,不過澳洲唔同嘅係好嘅中小學唔係派位,係你住果區就可以入讀。大家可以上網查Primary School Ranking,大家就知道哪些學校係100分學校,你就可以係果區搵屋!

澳洲樓價比起香港一定係平一大截,以西澳為例一間2層2500呎獨立新房屋,佔地3000呎,距離市中心10分鐘,擁有最好校網,大概價錢澳幣$100-120萬,係香港只係可以買到長沙灣區單橦式400幾呎單位!不過有得必有失,呢個價錢嘅新屋嘅佔地會比舊屋嘅佔地細,有人就會寧願買細屋但佔地比較大嘅舊屋翻新。不過我極力建議大家購買新屋或樓齡3、4年左右,因為舊屋嘅潛在問題實在太多,風險太高,同埋呢邊搵人整水喉、電、鎖都比較貴,所以大家嘅能力如果可以負擔到新屋,唔洗諗一定買新屋!

講到呢度,以上係少少tips,各位香港嘅朋友仔希望你地係澳洲買到心儀嘅房屋啦!

利安環球物業創辦人及執行董事張肇麒(Terence)提醒,在外國購買房屋時要考慮三個問題,包括發展商的信譽、房屋地段,與及最重要的是自己負擔能力。購買房屋前,應先做足資料搜集,包括發展商的項目多寡、已完成或未完成項目數量和房屋質量,用作推算他們的信譽。其二,地段亦非常重要。「你搵啱個區,你買樓就已經贏咗一半。」最後,大家也要確定自己能負擔得到,以免損失訂金。

由於澳洲政府於2020年推出千億財政預算、產業改革、延期還款及國家儲備銀行0.1厘超低利率等政策,讓澳洲樓盤在2020年全球疫情肆虐下仍保持穩定增長的樓盤走勢,加上高品質的生活環境,成為港人喜愛置業的國家。

更多文章:如何在澳洲買樓?樓盤、條件、按揭、流程完整攻略

也有準備移民的人士會擔心,應先買樓還是租樓呢?Terence則認為應視乎個人需要。家長如已安排好小朋友入讀的學校,不妨先買樓;相反,若然家長打算先移民再找合適的學校或居住的地方,則可先選擇租樓再慢慢挑選。「揀到啱為止!」

【編按:以上內容為作者之個人意見及立場】

相關文章

【升學出路】全職運動員轉讀網上中學 獲港大學位:OeS助兼顧運動和學業

【升學貼士】海外升學必要指南 教育局提醒學生家長三大重點!

【小一派位2022】小一統一派位6.1放榜 必知叩門攻略及文件Checklist!

【澳洲升學】讀書移民一take過 悉尼科技大學法學課程畢業即可入行

緊貼新冠肺炎最新相關資訊