2019-01-30

3.6K

【溫韾相架】自製立體相架 + 親子互動 + 一起做超簡單

過咗聖誕節,嚟梗又新年,新年之後話咁快又嚟到情人節。

 

今次想同大家分享立體相架,做法其實超級容易,材料亦好簡單。

只需要一個木盒仔做相框,同一張相片沖曬數張 (相片數量視乎你想做幾立體)。

 


 

首先同大家分享,我哋做俾和牛姨媽嘅禮物先。

 

工具及材料:

相片至少5張 (相同的)

剪刀、界刀、雙面膠紙、透明蓋小木盒、馬賽克手工貼。

 



做法

1.將其中一張相片剪裁到可以放入相框內。

2.將相片入面人物、背景一一剪出嚟,如果有啲位太細緻建議用界刀。

3.以上步驟重複,而每張相亦可以剪出唔同範圍,增添層次、立體感。

 



4. 將馬賽克手工貼貼到第一張已剪裁嘅相片背面,盡量貼多少少,因為要作為承托之用。

如果想有更明顯嘅凸出效果,可以再貼多一層或更多層馬賽克手工貼。

 




 

5. 於馬賽克手工貼上再貼上雙面膠紙,以接合原相(背景)

 


 

6. 重複以上步驟






7. 如果想有明顯凸出嘅效果,剪裁得更仔細,每層馬賽克手工貼都有不同層次,就會做到立體感。




製作家庭相,其實相片背景愈豐富,立體感係愈好o架。

不過,睇晒咁多全家幅,我都係揀咗有Peppa Pig嘅相。




剪呀剪,剪呀剪,剪完之後個畫面好辛苦~~見到好多個自己嘅分身。




靜靜地製作,我大概用咗1-2小時就完成。






呢個手作,其實都可以同小朋友一齊做,仲可以訓練小朋友手指仔嘅肌肉。




小木盒可以喺Aeon Living Plaza ($12店)到有得買。



-------------------------------------------------


Facebook專頁和牛B嘅成長專頁


Instagramwagyubmami



【編按:以上內容為作者之個人意見及立場】

相關文章

【23-24年度幼稚園入學】九龍區熱門名幼申請日期一覽(不斷更新!)

【嬰兒成長里程碑】BB如何運用小肌肉、學識大笑並模仿大人?

【親子生活】開發兒童智力 摺紙樂趣多!

孝順女傳承胎毛筆工藝 報病母養育之恩︰到我守護媽咪

緊貼新冠肺炎最新相關資訊