2018-03-21

2.9K

【自製玩具】輕便車仔收納袋及遊戲墊 - 便攜亦得

和牛B同小男孩一樣都好鍾意玩車車,唔知點解就係鍾意玩停車場、玩車。

出街要袋住一兩架車仔喺身,又好似散修修咁,而我最驚就係架車唔知幾時跌咗,唔見咗!!

對於小朋友嚟講,唔見咗架車係世界大事嚟!!

所以亦因為咁我做咗呢個輕便版便攜嘅收納車仔袋及遊戲墊,出街都玩到,特別係去餐廳等開餐嘅時候就可以俾和牛B消磨時間。

好似一本迷你書仔咁,可以放入袋到帶出街。

因為係自己Tailor-made嘅,所以Cover我就加上和牛B個名。
除咗可以裝飾,仲可以增添一份專屬感。

撕開魔術貼扣,就可以慢慢打開遊戲墊。

打開之後,就會見到4個車袋位,好似停車場咁。

再喺上面,加上馬路場景。

如果便攜嘅話,4架車都已經好多,所以遊戲墊大概A4 Size,都夠佢消磨一段時間。

**和牛爸爸問,和牛B有好多架車喎,得4格邊夠放。

重申: 呢個係便攜版,如果多車嘅話就要用另一個方法收納了~

【編按:以上內容為作者之個人意見及立場】

相關文章

8月26日暑期玩樂最後衝刺!4大開學前活動推介 運動+藝術活動大集合

女童借媽媽電話用ChatGPT幫忙寫作文惹熱議 網民意見兩面倒

幼稚園畢業旅行去日本 新手爸爸:係我太守舊定係個世界行得太快?

【升學出路】全職運動員轉讀網上中學 獲港大學位:OeS助兼顧運動和學業

緊貼新冠肺炎最新相關資訊