係香港生bb, 可以選擇公立或者私家，
好耐之前執媽都分享過公立醫院同私家醫院嘅分別！經濟鬆動、鍾意好服務態度嘅太太就當然想揀私家醫院生啦
生完BB即時有止痛藥，即使開刀都完全唔覺痛，好似去咗個四日三夜旅行就可以帶個公仔返屋企做手信一樣!!喺私家醫院住院期間BB仲放喺育嬰間，媽媽可以食飽瞓夠先過去抱下BB，狀態好先埋身餵奶，又有姑娘貼身指導，聽係私家生既媽媽講，住院果幾日直頭係生完仔幾年內最舒服既幾日！！完全唔似公立醫院，BB無時無刻訓係身邊，半夜又喊！搞到大人細路都冇得瞓！辛苦到不得了
但係其實公立醫院咁做係有原因架！就係為左比媽媽及早發現bb既覓食訊號，當bb嘴Mak Mak 食手手時就立刻抱佢埋身食奶，可以不分日夜、無時無刻對住bb,熟習佢既性格、食奶習慣等等，而最大既好處係可以比bb食到新鮮製造出黎既初乳，排出留係乳房初乳後，泌乳激素會刺激媽媽乳房再造奶，排出先再造奶亦可以預防媽媽幾日後一上奶就形成塞奶既困境！！
當然塞奶有好多其他因素！包括有d人係天生乳腺比較唔順暢容易塞、食左脂肪含量高既食物、乳腺管被脂肪粒粒（小白點）阻塞等等。。。
執媽想帶出既係母嬰同室雖然令到新手媽媽好辛苦、bb啜極唔停/埋身食就訓教、一放上床就喊、總括黎講冇教好訓、即使自己bb肯訓，但被同房其他bb嘈到訓唔到，但係母嬰同室既好處仍然十分多，所以預備係公立生既媽媽做定心理準備，一生完就立即享受下同bb共處既時光喇
#母嬰同室
#塞奶
#在職執媽表示最近身心俱疲
#返工追奶真係好累好辛苦
#我想唔駛做
#請比d支持我
