煲紅豆沙時，大肥豬叫我留起幾粒俾佢，教吓小小豬種紅豆，等小小豬可以學習種植物之餘，亦可以學習觀察。咁好玩又有意思嘅活動我當然支持啦，所以就留起幾粒，浸多一晚水，第二朝就可以同小小豬一齊種紅豆啦！
先整濕啲棉花~
一粒一粒紅豆慢慢擺入杯仔~
完成晒幾有滿足感~
小小豬仲將啲紅豆一杯杯好小心咁放喺窗台~
仲估佢唔到，主動話邀請佢對新朋友仔幫手照顧紅豆添~
其實自己小學時，學校都有種過綠豆，紅豆都係第一次，我估應係都係差唔多，應該都可以種到啲小葉出嚟。
依家已經教咗小小豬每日都要佢同紅豆講早晨，睇紅豆生長情況同埋淋水。希望經過依個種紅豆，小小豬可以學識種植物，等佢對植物多一點認識啦！
