2020-07-08

2K

防止用學校平板電腦睇不當內容⋯⋯小朋友網絡安全攻略!

好多家長都會監督小朋友上網,例如限時或者未畀小朋友擁有自己嘅電子產品。但呢一切可能會喺上小學時被打破!因為有啲學校會派發平板電腦畀學生作學習之用⋯⋯有網民就發現到小朋友曾用學校平板電腦瀏覽色情網頁,點樣可以防範於未然呢?以下統整咗唔同家長嘅做法,一齊交流吓啦!

熱門討論:如何防止小朋友用ipad 瀏覽色情網站

熱門討論:如何防止小朋友用ipad 瀏覽色情網站

開心見誠及保持溝通

雖然避免唔到小朋友用學校平板,但學校一般會監測學生使用IPad情況,家長可以向學校諮詢及了解網絡安全措施。同時,家長都應該同學校保持良好溝通,好似網民呢單case,由學校告知家長,父母都可以私底下同囝囝傾吓,免除尷尬又可以尋找解決方法。

封鎖或過濾不當內容

作為篩選網絡資訊嘅第一防線,家長可以考慮喺IPad使用兒童模式或過濾軟件,部份Router更可以設置黑名單,加鎖已知嘅不當內容。未必保證百分百攔到所有不當網頁,但都有一定防御作用。

灌輸正確性教育知識

有網民指出,當小朋友愈嚟愈熟習網絡生態,就更難監管。所以家長宜向小朋友解釋瀏覽色情或不當網頁嘅危險性,而非一味禁止。小朋友逐漸踏入青春期,對性有好奇地好正常,家長可以理解對,同時灌輸性教育知識。

【編按:以上內容為作者之個人意見及立場】

相關文章

【幼兒教育】PlayGroup值得報讀嗎?在港20多年的先驅———多多國際幼兒園暨幼稚園

語言發展遲緩女兒與老師聊天卻遭取笑 媽媽嬲爆:應否投訴?

【幼稚園入學】2023至2024學年 全港各區熱門名幼申請懶人包

【23-24年度幼稚園入學】交表喇!港島區熱門名幼申請懶人包(不斷更新!)

緊貼新冠肺炎最新相關資訊