上回講到從小朋友點樣分配$100零用錢,我哋大概可以見到四大種性格,今次繼續講埋餘下兩類。
三：愛心爆棚派(儲蓄20%,消費30%,捐獻50%)有少數嘅小朋友選擇將一半零
錢捐俾有需要嘅人,包括老人、社會上有需要嘅人等,而每月消費就嚴格控制喺30%以下，儲蓄亦有20%。這類小朋友擁有比一般人多嘅「大愛」，賺錢除咗滿足自己嘅生活需要,亦以自己最大嘅能力去幫助社會上有需要的人，佢哋觀察入微,同理心同愛心都爆棚。
四：孝順父母派(儲蓄20%,消費30%,捐獻10%)
班上有一位小朋友嘅答案最有驚喜，佢將手上嘅道具銀紙諗咗好耐都唔知點樣分配好,等到班上其他小朋友都已經決定好，但係佢只係將手上嘅$60分配到儲蓄消費捐獻。小編即刻訪問吓佢,跟住佢就話：「$100太多啦我用唔晒，剩低嗰$40我會俾返爸爸媽媽，因為佢地返工好辛苦。」年紀輕輕就已經識得俾家用，相信佢父母知道之後一定會感到安慰。
大家不妨考考你嘅小朋友，睇下佢係屬於邊類性格,話唔定會得到意想不到嘅結果呢！
