2018-11-01

650

【小觀察大智慧】從理財遊戲中窺探小朋友對價值嘅諗法

雖然市面上電子貨幣越嚟越普及,但係教小朋友理財都會用道具紙幣,一方面小朋友覺得有錢揸手感覺比較實在,另一方面都可以實踐找續的概念。

透過用道具銀紙玩理財遊戲嘅時候,我哋有兩個小小嘅發現,值得大家留意:

(a) 如果手上有$900($500x1+$100x4),要俾$50買嘢,你會選擇點俾錢呢?
(b) 你要一張$500鈔票定係5張$100鈔票呢?

表面上,對大人來講個決定可能都會以方便自己為主,或會想盡量減少自己手持的鈔票數量,反正無論用邊個方法都好,鈔票嘅價值都係一樣。
咁對於一班6至8歲嘅小朋友嚟講,佢哋係會咁樣諗嘅。(a)如果俾咗張$100買$50嘢,咁手上嘅鈔票數量就會減少,相反如果俾張$500嘅話,找續後的鈔票數量反而多了。就(b) 以言,他們的選擇都係清一色要5張$100鈔票。

從呢個小觀察可以發現到,既使鈔票的總價值是相同,但小朋友仍是比較喜歡手持多張鈔票,一疊厚厚小鈔票的感覺比寥寥可數的大額鈔票嚟得較有分量,「價值」亦較高。建議家長可以同小朋友釐清價值與數量多少係沒有必然嘅關係,分析呢兩種攜帶鈔票方法嘅利弊,例如持有大量小鈔票雖然購物時比較方便,但係攜帶會有麻煩,而且亦增加遺失嘅風險;攜帶大面額鈔票雖然較方便,但亦增加找錯錢嘅風險,同時要特別提高對偽鈔嘅意識。

【編按:以上內容為作者之個人意見及立場】

相關文章

緊貼新冠肺炎最新相關資訊