2019-12-31

892

喺小朋友嘅角度,錢是咁賺的⋯

每一次去到學校教理財時都會問啲小朋友,知唔知錢係點賺返嚟架?大部份10至12歲小朋友都會話,打工做嘢、儲錢、買股票投資、開公司做生意等等,呢啲都係佢地喺家人、親戚朋友身邊接觸到嘅正常賺錢方法,一啲都唔出奇。

最近接觸到有個小四女學生,佢嘅答案真係驚為天人,佢話參選香港小姐勝出之後咪可以贏到好多錢同埋奬金,又有贊助費,又有靚車,唔使做嘢就已經有好多錢。佢講完之後,小編都真係呆左5秒,心諗,啲小朋友真係天真無邪囉,咁都俾佢諗到呢個賺錢嘅方法。

更多文章:沃倫巴菲特:這是父母在向孩子們講錢時犯下的錯誤

小編跟住問返嗰位同學知唔知嗰啲奬金同埋奬品其實只不過係一次性獲得,用晒之後咁點算啊,同埋勝出選美比賽嘅機會其實係微乎其微。大人聽落去可能覺得好好笑,但係其實諗深一層,靠勝出選美獲得獎金而作為恆常賺錢方法,某程度上代表左佢哋有僥倖、不勞而獲嘅心態,同佢答我「中咗六合彩咪可以賺到錢囉」冇乜大分別。

更多文章:點解唔成日食Buffet?點解唔想我做消防員?我鍾意喎.....

小編繼續同佢地講有國際研究報告指出,通常中咗巨額彩票嘅人,超過六成都會喺五年之內會破產,仲問下啲同學仔點解會咁,大部份都可以講得到可能因為贏咗太多錢之後請人食飯買靚車着靚衫買名錶,好快就一次過洗晒,而且仲欠下巨債。

家長喺小朋友睇電視選美或遊戲節目嘅時候,要話俾佢知勝出遊戲其實好大部份靠運氣,甚至有啲可能只係製作節目效果,都係腳踏實地工作、儲蓄、做好理財規劃方為上策。

【編按:以上內容為作者之個人意見及立場】

相關文章

【親子理財】網上小遊戲引導孩子辨明:需要VS想要

打機都可以學理財?5個足不出戶學理財貼士

【趁早教理財】67歲百萬富翁遺憾沒有儘早教呢6個理財知識

【從小學理財】孩子宿營學習不亂花錢?

緊貼新冠肺炎最新相關資訊