子女喺學校做小買賣賺錢，家長如何灌輸正確價值觀？

細細個已經識做買賣賺錢，係好事定壞事？討論區有家長分享，喺初小囝囝同意之下，見到佢手機有啲同同學買賣手機零件嘅內容。家長完全唔知到個仔賣緊乜，點解有錢做買賣，擔心喺學校做買賣畀其他家長知道會同學校投訴。其實小朋友除咗儲錢同買嘢之外，仲識得點樣運用金錢做買賣，增加財富，有生意頭腦同慧根，係件好事。不過小朋友年紀仲細，心智未成熟，可能會急功近利，喺買賣過程中用容易出差錯，有機會引致金錢損失，或者得罪朋友，人財兩失。家長應該點同小朋友分析、權衡輕重，防止失誤？

討論區熱話：教仔問題

1. 指導如何管理買賣

家長喺發表自己意見之前，可先表示欣賞小朋友有生意頭腦，懂得自己賺錢而非只靠家長畀零用錢。之後，家長可以進一步了解小朋友點運作呢盤生意，由貨源、入貨量、轉售定價、買賣紀錄等各方面都可問得仔細一啲，再從中指導。當然，要問小朋友點解會有做買賣嘅念頭（例如：平日零用錢不足？純粹幫同學仔買嘢，順便賺少少水腳？）同埋打算點運用賺到嘅錢。（有特別的物品要額外嘅錢買？）從而知道小朋友嘅理念、價值觀，同時家長可反思係咪對小朋友零用方面安排不妥。藉著讚賞、了解同指導，為小朋友建立正確嘅價值觀，以及減低在買賣時的失誤。

2. 分析買賣可能的後果
做買賣本身唔係一件壞事，但同學間涉及金錢交易，或會影響友際關係。家長可以同小朋友分析，表示即使買賣係同學間你情我願嘅交易，但買賣雙方都可能對貨品嘅質素唔太了解，有機會因為物品質量、定價、退貨等引起問題，產生爭執，影響同學間嘅友誼，因錢財反目，同時有機會引起其他家長同學校嘅注意，引致校方介入，讓小朋友細想如何在進行買賣時權衡輕重。

3. 友誼非建立在金錢交易上

小朋友正值建立人際關系觀念同金錢觀嘅時期，要點樣從中取得平衡，需要家長指導。當小朋友開始咗同同學有買賣易之後，可能會擔心唔再買賣，會得失朋友。家長可教導小朋友毋順擔心因得失友誼並非建立在金錢買賣之上，將重點移至物品心得交流，鼓勵同學間多傾談心得、分享意見，以賺取同學的尊敬和友誼代替賺取金錢。有需要時可喺課外時間，同同學一齊去店鋪買需要嘅物品。

家長如果遇到小朋友喺學習做買賣，毋須太緊張，家長可以藉此灌輸朋友較金錢重要嘅道理，畀小朋友權衡係咪能夠承受「因財失義」嘅風險。