理財選擇沒有絕對的對與,重點係......

2018-12-08 574


小編同唔少家長朋友討論小朋友理財,都會反映話唔知點樣開始敎。擔心一開始俾零用錢小朋友,佢哋就會胡亂花費,將啲錢一次過使晒。所以結果零用錢都係由父母幫手保管。

小編認為,理財選擇並沒有絕對的對與錯,重點反而係要承擔返選擇背後嘅結果。假如小朋友去到一間餐廳嘈住要食雪糕,但你又發覺嗰度嘅價錢好貴,你可以同小朋友分析:如果你選擇遲啲去其他價錢較平嘅地方食雪糕,慳返嘅錢(差價)就可以用來作日後其他消費嘅用途,如買小文具;相反如果你堅持要喺呢度食嘅,咁就會錯失左買文具嘅機會。

最終佢嘅選擇係乜嘢唔係重點,反而係要佢明白每個選擇背後都有代價,而家長亦必須嚴格遵從之前嘅承諾,唔可以出爾反爾。

咁做除咗要小朋友延遲享樂外,亦訓練佢地為唔同嘅選擇權衡輕重,準備日後在面對現實生活中的兩難局面時作出合適的解決方案。小朋友創意無限,話唔定會反建議一個兩全其美嘅方法呢!