為頭家做個精明靚媽、點樣買先最抵

今時今日喺香港生活，真係唔容易，衣、食、住行樣樣都係錢。行過地產舖一層樓，閒閒地都要四百萬，無首期，就唔好諗供唔供得起嘅問題。買樓買唔成，就唯有去捱貴租幫人供樓啦。

住方面慳唔到，就唯有從衣、食方面著手。

食方面除咗出街食飯之外，屋企都有唔少雜費嘅支出。

有時放咗工已經好攰，放假又會超多人，我就更加唔想去掃貨。原因係又迫、俾錢又要排長龍、更加唔想自己抬返屋企…

講到要買屋企雜貨，真係又重又多，對於廁紙、洗衣液、糧油、和牛B嘅奶粉尿片等，呢啲嘢都係又重，但又係必需品。

所以，我都會選擇咗從網上購入，又方便，又唔洗自己抬返屋企。

不過要小心留意嘅係，唔好為咗儲夠單免費送貨而揀咗貴貨。
網上購物係方便，不過有時部分貨物係會比街外買嘅價錢貴咗少少。
所以想買到真正抵嘅貨，就要花多少少時間從幾個網格價再落單，咁就最抵最平!

而部分網店更加採用VIP制度，累積消積滿一個金額，以後就可以低價免費送貨。
部分網店亦會於每次購物嘅時候，送現金回贈。所得嘅回贈可於下次消費嘅時候進行扣減，全單又可以再平多少少。

以我所知，部分網店亦有同信用卡公司合作，用該銀行指定信用卡簽帳，仲有多幾倍積分!
信用卡積分儲起又可以換禮物、Coupon又或者飛行里數。

仲有就係，留意每間網店嘅指定優惠日，咁就平上平平啦!

有啲網店仲有手機應用程式，真係隨時隨地，都可以慢慢撳自己心水買嘅貨品。

以後就唔洗拖住架買餸車落街買嘢啦~