退休後，邊個養你

其實三十歲以上既朋友，你地打工打咁耐，有無自己諗下你既工作歲月重有幾多年？？

係香港退休唯一就夠強積金，但強積金個回報點? 佢地連最低風險基金都可以蝕錢，大家心照，幫到你幾多，如果你只靠強積金，我會好老實同你講唔多夠。 三十歲俾你好彩做到65歲都只得35年，有30年我當你要供樓，重要結婚生仔，養細路，供保險，養兩老，每個月我估你基本上剩低都唔會好多，即係你甩晒個擔子，就只剩下5年去儲你之後既生活洗費，可唔可行？？

當你過左30年後你又剩下幾多落袋？到你6x歲，唔通又要靠個仔或女養你? 而家D細路，衰D講佢唔向你問番要錢已經偷笑，重要佢養你? 我諗有少少難度了。

如果而家重係30歲既你，你就真係要開始諗下你既後路，係香港地，讀咁耐書，但就係無一科會教你去投資，但投資呢一科反而係係你人生裡面佔住最大比重既一科，你30歲重未學過? 咁我諗你真係要花多少少時間去進修下了。

我只知道如果你到30歲都無任何諗法的話，你來緊既人生，其實會好辛苦。大家盡早規劃，你不理財，財不理你。呢個建議係我送給仍未有任何計畫既朋友仔。