2020-01-17

2.9K

【理財個案 — 不再以人工追資產!】

龔sir你好!我最近睇左你本《80後百萬富翁》獲益良多!同時亦好後悔冇早d認識到你,同開始投資。

本人同另一半月入一共四萬幾,每月草到四至五成既收入,而手上現金約有五十萬。

我同另一半既目標都係想黎緊兩三年買樓結婚,有屬於自己既物業。

可惜依家樓價太癲,居屋又難抽,同時依家個股市又唔平,想投資又怕責住舊錢。龔 sir 你可唔可以俾下意見我點樣部處好?萬分感謝!心急人上

個案重點:
‧2人收入共$40000,可儲4成
‧現金$50萬

重點目標:
‧2-3年後結婚
‧如何有效理財
‧想追物業


龔成老師分析:

我地唔會用現金追資產,我地要用「資產追資產」,簡單來說,你唔可以單靠人工、現金,去追樓市,因為人工與物業(資產),是兩類不同的項目。

現時樓市的確好貴,但你都要在適當的時機買入,因為你總有自住的需要,這可以在幾年內進行,不用這一刻進行。

同時,這刻你不要單純儲現金,而要儲真正的資產(例如優質股)。我地所用的方法,是用優質股,去追細價樓,再用細價樓,去追較大價的樓,要這樣一步步進行,不要以為可以用儲現金模式進一下子追物業。

如果你現時無股票,其實可以善用$50萬資金,股市中短期當然會上落,但只要你買入的是優質股,長線都會向上。所以,你可以用分注買入的模式,投資平穩增值的股票。只要你分注(例如每2個月入一次),同時不要用盡$50萬,暫時用一半先。

另外,你地每月可儲$2萬,要好好利用,現時你可以動用一半,將$1萬去做月供股票,供平穩增值股,以及小部分潛力股,這樣就得。

數年後,你的財富有基本的增值,到時再睇下當時的樓價,是否適合入市,可以考慮細單位先。你有細單位,將來要追大單位,就比較容易。

------------------------------------------------

若然你有問題想向龔成老師發問,可在龔成的fb專頁中(www.facebook.com/80shing)inbox龔成。

【編按:以上內容為作者之個人意見及立場】

相關文章

運氣佔人生成功的比重

減持港交所(七)

【理財個案––落車後應否再上車】

中國銀行 9。3%年回 23。8萬(HKD)本金

緊貼新冠肺炎最新相關資訊