2018-07-23

4.8K

打造幸福之家 投資收入應該高過工作收入

朋友: 想請教吓你,你覺得而家係咪換樓時機?
筆者: 點換法先?
朋友: 你知啦,我個仔啱啱出世,而家一家三口,住緊個300呎的一房單位,真係唔夠住,同老婆商量過,諗住換間大約400呎左右的兩房先,三房真係換唔起。
筆者: 都好嘅,而家細單位呎價貴,換兩房有著數。
朋友: 我而家嗰度大概賣到500萬,最近都睇過附近嘅兩房單位,600萬勉強都可以買得到。
筆者: 好丫,可以做到8成按揭,首期俾少好多。
朋友: 係呀,老婆話遲啲仲想生多個,對小朋友成長好啲,又話想請個工人姐姐,不過我又諗,如果生兩個,第日仔女大咗,每人都要間房嘅話,咪兩房都唔夠住?
筆者: 咁到時咪搬三房囉。
朋友: 講咁易咩?而家啲三房單位,閒閒哋7、8球,要俾4成首期架,成幾百萬首期,點俾喎。
筆者: 到仔女大,都有十年八載時間丫,努力囉!
朋友: 講咩,我哋兩公婆人工加埋得4萬幾蚊左右,又要供樓又要養家,邊有錢剩喎!真係唔明啲人,點解咁鬼有錢,尤其是啲新樓,吓吓過千萬,面不改容!
筆者: 唔係靠打工架嘛,好多都係投資賺番嚟。
朋友: 投資我真係冇乜研究,唔使返工咩?
筆者: 咁唔掂喎!想將來一家過得好,投資收入要多過返工收入!其實你都有機會做到,換樓後應該有資本,你自己唔知啫…

很多朋友都問過這個問題。

今時今日樓價瘋顛,對很多仍然未置業的年青人或者小夫妻來說,如果沒有父幹、母幹,要儲100多萬首期,做8成按揭,買個500萬的上車盤都已經不容易,更何況要買兩房、三房?為甚麼那些買樓的人,1000萬好似唔係錢咁?朋友比較幸運,早幾年買入自住單位,升幅也不少,初步幫他計過,賣出單位後大約可以套現近300萬,如果花當中的100多萬換樓,餘下的100多萬就可以好好規劃如何投資,目標是在子女長大要有自己的空間前,做到投資收入多過返工,工作收入以外,也要懂得錢搵錢,才可以樓換樓。

思維要變了!收入…不應局限於工作!
在勝利組裡,每個人的收入…應該要有好幾個不同途徑!
給自己一個目標吧!…40歲前,投資收入應該要高過工資收入!
否則,很難上游到人生勝利組。

工作固然重要,但是學懂投資,更重要!
今時今日很多買樓的用家,之所以輕輕鬆鬆可以拿出一千幾百萬,很多是因為早年買了自住樓,甚至有閒錢,買了幾間收租樓,今天子女大了,樓也供甩了,樓價也上漲了,於是就可以透過出售部份物業,又或者翻按,將物業套現,就有很多很多錢了。
例如12年前筆者買入的幾個西環單位,實用面積近400呎,全海景,每個只是100萬左右,今天都賣到600萬了,唔好講多,只要當年有前輩點你兩句,的起心肝買兩個單位,一間自住一間收租,有多難?今天賣出單位,已經可以拿出1000萬買新樓了。以上只是最基本用家,還有很多投資高手,趁住過去十多年的大浪,1層變10層、20層,每月收租的正現金流都已經有6位數,甚至涉足工廈、商廈、舖位等,身家數千萬、過億的,大有人在,對他們來說,拿一千幾百萬出來買樓,又有何難?

除了資產增值,亦有很多人很會賺錢。
根據年初統計處資料顯示,年收入過100萬元的家庭有16萬個,月入超過10萬元的家庭比去年大幅增加18%。除了工資收入、投資收入之外,身邊不少朋友亦有兼職、創業等,只要跳出框框,令自己有多幾個收入渠道,要儲首期買樓,其實沒想像中那麼難。

正職、副業、投資…增加收入來源!
一步一步來,除了收入,還要學懂槓桿,首置買樓,400萬以下最多可以借9成,600萬以下可以借8成,很多新樓亦靠高成數按揭促銷,趁自己仍然是在人生的上升週期,供得掂,不妨借多一點,始終現在利率還是偏低,多管齊下,買樓換樓也不算太難。以我們的年青同學、同事的經驗來看,未上車的,大約兩年左右就夠首期上車。已經上車的,好好重新計算,運用財技槓桿,很快就可以買多一、兩個物業收租,當然因為現在有辣稅,未必可以簡簡單單買多一個住宅,以筆者與戰友為例,大陸樓、工廈也賺不少。
記住!到了40’s…投資收入應該要高過工資收入!
打造幸福之家,單靠工作收入是不夠的!

【編按:以上內容為作者之個人意見及立場】

相關文章

緊貼新冠肺炎最新相關資訊