2019-11-12

1.7K

理財個案—一堆蟹貨怎麼辦?

你好呀!由於我手上有以下股票,全部都係蟹,已hold左一般時間,蝕到入肉。好想放哂,算數。但又肉痛。唔知點做!

請問是否都係一口氣放哂或總有機會再等呢?

55,139,326,1938,2358

個案重點:
‧ 手持多隻虧損股票
‧ 已持有一段時間

重點目標:
‧ 未知是否賣出現時持貨

龔成老師分析:

你要明白,持有一隻股票的問鍵位,不是買入價,不是賺蝕數,這都是心理因素,實際要考慮的,只有企業的質素,以及長遠的前景。

中星集團控股(0055)從事遊戲業務;放貸;印刷品製造及銷售;藝人管理、唱片及電影製作及分銷;物業發展與投資;證券買賣;及印刷品貿易。

業務做得好雜,呢類公司其實好難管理。過往5年有3年出現虧損,投資價值有限,加上5年內有兩次合股,都是股票不佳的表現,長遠來說,這股要賣的,你見佢有反彈就賣出吧。

中國軟實力(0139)的投機味重,曾被散戶熱炒過,而我最怕這類股。過往同樣有多年出現虧損,加上有多次合股供股等不利小股東的事宜出現,長遠持有不利。都是見反彈就賣出。中國星集團(0326)亦有類似情況。

珠江鋼管(1938)同樣不斷虧損,但比較好的是,佢無乜供股合股等活動,算是無搵小股東笨,這隻持有的價值較之前大,但長遠仍是等機會放。

久融控股(2358)同樣有多年出現虧損,但情況就唔算太差,另外,亦無搵小股東笨,可持有住先,但長遠仍是等機會放。

簡單來說,5隻都無質素,長遠都要放,頭3隻的情況較差,宜先賣出。之後的2隻可以等下機會,但都是要賣的,只是時間的問題。

【編按:以上內容為作者之個人意見及立場】

相關文章

【理財之道】疫情加失業率高企 近半港人儲蓄唔夠捱半年

理財個案––32歲的股票組合配置

債券轉股票之時機 買新樓係咪要SEA TO SKY?

控制情緒是致勝關鍵

緊貼新冠肺炎最新相關資訊