2020-11-09

2.5K

【幾個移民媽】移民不只為子女 大人其實都可以找自己

「真係走?去到做咩呀?」親戚朋友知我哋決定移民之後,都會問這問題。

更多文章:【幾個移民媽】海量移民資訊湧入腦 移民媽:「怕做錯決定!」

別人眼中,我同朱古力爸都叫工作穩定,朱古力仔、朱古力妹都叫生活無憂,起碼想食乜就食乜,想學乜都可以去學。本身我都係安於現狀嘅人,但為咗一對仔女,我哋一早已經決定要離開香港。

生計係一個問題,我同朱古力爸其實人到中年,工作到咗樽頸位,已經冇晒火,而且覺得喺香港為供樓打份牛工,好無意義。走,除咗因為香港嘅環境、教育,都係一個契機,離開comfort zone,搵返真正嘅生活,唔想再live to work, 想work to live。橫掂都係走喇,橫掂過到去都可能要做藍領、做基層,點解唔試下啲自己鍾意做嘅嘢呢?

更多文章:【幾個移民媽】海量移民資訊湧入腦 移民媽:「怕做錯決定!」

跟我哋訂嘅時間表,我哋仲有大半年先離開香港。呢段時間,除咗不停做research,睇下當地學校、治安、樓盤之外,就係要搵下我哋究竟想做啲乜喇。朱古力爸話佢自細鍾意做木土,好想試下做木匠,於是真係買咗一堆木頭同工具返嚟,做下做下,又真係整咗啲作品出嚟,都幾得喎。朱古力仔覺得新奇,又整埋一份,可以玩埋親子樂添。

我呢?細個其實好想做侍應,覺得睇人哋食得開心,自己都會開心。可能你會話,做飲食/服務業嘅現實唔係咁簡單,不過而家可能真「飛雲,機會嚟喇﹗」去到外地,無乜技能嘅我,已經做好去捧餐嘅心理準備。

更多文章: 嚮往澳洲大自然 港媽為仔女儲錢移民

其實有時間我都鍾意整嘢食,工作壓力大時,整下蛋糕包點,治癒心靈。一諗起去到外地,冇乜機會食香港嘢,不如自己整啦! 話唔定可以開返間港式麵包舖呱。小試牛刀,整下雞蛋仔先,下次學整蛋撻、菠蘿包,就算去到開唔成麵包舖,都可以整俾朱古力仔、朱古力妹食嘛。

【編按:以上內容為作者之個人意見及立場】

相關文章

恐子女「升中呈分試」壓力爆煲立即飛英國留學?港媽Vikey:宜早不宜遲!

【幾個移民媽】 嚮往澳洲大自然 港媽為仔女儲錢移民

【移民歐洲】馬爾他、希臘、塞浦路斯 3大冷門國家移民資格/教育/醫療一覽

天佑港人

緊貼新冠肺炎最新相關資訊