2020-12-30

4K

【情感禁區】好友背小三罪名等嫁出軌上司 網民:天方夜譚

唔少夫妻感情破裂都非一日之寒,而人與人相處當中,實在有種種難關需要刻服同經過,絕對唔係靠一紙婚書就可以大團圓結局;喺婚姻之中,你又能唔能夠容忍不忠的愛?

最近就有JM喺討論區分享朋友戀上已婚上司成為第三者嘅故事,擔心朋友被騙,賠上名節同青春,而男方就強調同自己老婆關係出現咗問題:「佢老婆唔做野、大食懶, 開口埋口問佢攞錢,又惡對佢唔好,又肥又唔打扮,依家諗住鋪排同老婆離婚,娶我朋友。」呢個橋段真係電視劇都唔用啦,睇到呢度,唔少網友都睇到端危,唔通個出軌上司會同小三講自己老婆又靚又大方、持家有道都仲要偷腥?仲話會離婚娶小三?講到自己困喺婚姻生活咁痛苦,難得回復自由身,會即時跳入另一個困局?都未免係天方夜譚!

討論區熱話:我朋友做人小三

討論區熱話:我朋友做人小三

從道德衡量,以第三者身份界入別人嘅感情世界,破壞人哋家庭就應該點都講唔通,而且網友們都認為男方極有可能會成為「慣犯」:「他朝君體也相同,咁嘅男人都要得落咩?」、「自己都係女人,比人破壞家庭係最慘嘅事!鬼唔望佢結咗婚後又有個小三出現!」、「做小三可能被人呃感情,蹉跎歲月,呢啲係風險。」

另外,都有網民勸樓主作為朋友陪伴就夠:「到時個男人食飽唔埋單嘅,做朋友嘅咪陪下佢囉!」、「你朋友都情陷,你講咩都無用,畀人呃都係自己揀,唔到你幫佢驚啦!」

圖片來源:《夫妻的世界》劇照

【編按:以上內容為作者之個人意見及立場】

相關文章

人妻崩潰離婚 不忍丈夫奶粉錢都AA制:錢不夠我借給你,以後要還 !

【JM有話兒】新娘追魂訊息討人情 網民:幾厚面皮先做得出?

姑媽結婚禮物意義深遠:「吵架時才可拆開」 夫婦9年後打開感動落淚

【JM有話兒】離婚後再愛問題多多?關心前夫被現任男友嫌「殘忍」

緊貼新冠肺炎最新相關資訊